Dagskrá:
kl. 10.00 Opinn flokkur karla
kl. 12.00 Opinn flokkur kvenna

Mótsgjald er 1000 kr.
Þátttökutilkynningum skal skilað í síðasta lagi 22.mars kl. 18.
Skráningum skal skilað til Elvars Thorarensen á netfangið eth@brimhf.is, eða til Helga Þórs Gunnarssonar, á netfangið helgi@sp.is.
Skráningum þarf að fylgja kennitala til að skráning teljist gild!

Nánari upplýsingar:

Grand_Prix_mot_Akurs2010

ÁMU

ÁMU

Guðmundur Stephensen úr Víkingi hélt áfram ótrúlegri sigurgöngu sinni á Íslandsmótunum í borðtennis, þegar hann sigraði þrefalt enn eitt árið. Hann sigraði í einliðaleik í meistaraflokki 17. árið í röð og í 15. skipti bæði í tvíliðaleik og tvenndarkeppni.
Endurkoma þeirra Evu Jósteinsdóttur og Lilju Rósar Jóhannesdóttur úr Víkingi setti svip sinn á mótið og hirtu þær alla titlana í meistaraflokki kvenna. Þær unnu hvor um sig tvenn gullverðlaun um helgina til viðbótar við meistaratitilinn í 1. deild kvenna í febrúar.

Guðmundur Stephensen sigraði í einliðleik í meistaraflokki karla án þess að tapa lotu á mótinu. Hann vann Magnús Finn Magnússon úr Víkingi 4-0 í undanúrslitum. Í hinum undanúrslitnum sigraði Magnús K. Magnússon úr Víkingi félaga sinn Sigurð Jónsson 4-1. Þeir Guðmundur og Magnús Kristinn mættust í úrslitum annað árið í röð og sigraði Guðmundur Magnús 4-0 (11-5, 11-7, 11-7, 11-9).
Í einliðaleik í meistaraflokki kvenna vann Íslandsmeistarinn Guðrún G. Björnsdóttir úr KR hina efnilegu Bergrúnu Lindu Björgvinsdóttur úr Dímon 4-0 í undanúrúrslitum. Í hinum undanúrslitaleiknum var hörkukeppni á milli Víkinganna Evu Jósteinsdóttur og Lilju Rósar Jóhannesdóttur, sem lauk með 4-2 sigri Lilju, eftir að Eva hafði unnið fyrstu tvær loturnar. Í úrslitunum byrjaði Guðrún betur og var yfir alla fyrstu lotuna en Lilja náði að komast yfir í fyrsta skipti 10-9 og vann 11-9. Eftir það hafði Lilja undirtökin í leiknum og vann næstu þrjár lotur 11-8, 11-6 og 12-10 og þar með leikinn. Þetta var níundi Íslandsmeistaratitill Lilju í einliðlaleik en hún vann síðast 2008 og lagði þá einnig Guðrúnu í úrslitum.
Guðmundur Stephensen og Magnús K. Magnússon léku saman í tvíliðaleik karla, þar sem unnu öruggan 3-0 (11-1, 11-5, 11-8) sigur í úrslitaleiknum á móti Ingólfi S. Ingólfssyni úr KR og Magnúsi Finni Magnússyni úr Víkingi. Þetta var þriðja árið í röð sem Guðmundur og Magnús sigra í tvíliðaleik. Hinir ungu KR-ingar Davíð Jónsson og Kári Mímisson urðu að lúta í lægra haldi fyrir Guðmundi og Magnúsi í undanúrslitum en hin bronsverðlaunin hlutu Víkingarnir Daði Freyr Guðmundsson og Sigurður Jónsson.
Í tvíliðaleik kvenna átti Guðrún G Björnsdóttir titil að verja. Hún lék nú með Ragnhildi Sigurðardóttur úr Víkingi en þær sigruðu í þessum flokki árið 2008. Þær lögðu Bergrúnu Lindu Björgvinsdóttur úr Dímon og Magneu Ólafs úr Víkingi 3-1 í undanúrslitum. Í hinum undanúrslitaleiknum sigruðu Eva Jósteinsdóttir og Lilja Rós Jóhannesdóttir HK stúlkurnar Hólmfríði Snorradóttur og Hrefnu Finnsdóttur 3-0. Í úrslitunum unnu Eva og Lilja nokkuð öruggan 3-0 (11-9, 11-8, 11-5) sigur á þeim Guðrúnu og Ragnhildi. Þetta var áttundi titill þeirra í tvíliðaleik en þær unnu áður árin 1994-2000. Auk þess hefur Eva unnið einu sinni og Lilja þrisvar með öðrum spilurum.

Í 1. flokki karla sigraði Jóhann Rúnar Kristjánsson úr Nesi Hlöðver Steina Hlöðversson úr KR 3-1 (11-5, 11-3, 9-11, 11-?). Þetta var annað árið í röð sem þessir leikmenn mætast í úrslitum og aftur sigraði Jóhann. Hann varði þar með titilinn frá 2009. Árangur Jóhanns er sérstaklega athyglisverður þar sem hann er bundinn við hjólastól.
Í 1. flokki kvenna vann hin 13 ára gamla Bergrún Linda Björgvinsdóttir úr Dímon sigur á Magneu Ólafs úr Víkingi, fyrrum meistara í flokknum árin 2003-2006. Leikurinn var jafn og spennandi og hafði Bergrún sigur í oddalotu 3-2 (11-9, 8-11, 11-13, 11-8, 11-7). Bergrún heldur því sigurgöngu sinni á Íslandsmótum áfram en hún sigraði í 2. flokki kvenna í fyrra.
Í 2. flokki karla sigraði Tómas Ingi Shelton úr KR annað árið í röð. Hann sigraði elsta keppanda mótsins, Emil Pálsson úr Víkingi 3-1 (9-11, 11-6, 11-8, 11-9) í úrslitunum. Emil verður áttræður í sumar en margir yngri leikmenn máttu lúta í lægra haldi fyrir honum að þessu sinni.
Í 2. flokki kvenna hirtu Dímonarkonur öll verðlaunin. Hrafnhildur Sigurðardóttir sigraði Ástu Laufeyju Sigurðardóttur í úrslitum 3-1 (11-8, 11-8, 4-11, 11-7).

Úrslit úr einstökum flokkum:

ÁMU

Guðmundur Stephensen og Eva Jósteinsdóttir úr Víkingi urðu Íslandsmeistarar í tvenndarkeppni eftir sigur á Sigurði Jónssyni og Lilju Rós Jóhannesdóttur úr Víkingi 3-0 (11-7, 11-3,11-6) í úrslitum. Þetta var jafnframt 15. titill Guðmundar í tvenndarkeppni en í 6. sinn sem Guðmundur og Eva vinna þennan titil. Þau sigruðu árin 1995-1996 og 1998-2000. Í 3.-4. sæti höfnuðu Kjartan Briem úr KR og Ragnhildur Sigurðardóttir úr Víkingi og Magnús K. Magnússon og Magnea Ólafs úr Víkingi.

Á morgun er leikið til úrslita í öðrum flokkum.

Í meistaraflokki karla mætir Íslandsmeistarinn Guðmundur Stephensen úr Víkingi sigurvegaranum úr leik Ingólfs Ingólfssonar úr KR og Magnúsar Finns Magnússonar úr Víkingi. Í hinum undanúrslitunum leikur Sigurður Jónsson úr Víkingi við sigurvegarann úr leik Víkinganna Daða Freys Guðmundssonar og Magnúsar K. Magnússonar. Ritstjóri hefur ekki úrslit úr þessum leikjum í 8 manna úrslitum.
Í meistaraflokki kvenna mætast í undanúrslitum annars vegar núverandi Íslandsmeistari Guðrún G. Björnsdóttir úr KR og Íslandsmeistarinn í 2. flokki kvenna Bergrún Linda Björgvinsdóttir úr Dímon. Í hinum leiknum keppa Víkingskonurnar Eva Jósteinsdóttir, sem varð síðast Íslandsmeistari 1997 og Lilja Rós Jóhannesdóttir, sem varð síðast meistari 2008.
Í tvíliðaleik karla mætast í undanúrslitum Íslandsmeistarnir Guðmundur Stephensen og Magnús K. Magnússon úr Víkingi og KR-ingarnir Davíð Jónsson og Kári Mímisson. Í hinum undanúrslitunum leika Daði Freyr Guðmundsson og Sigurður Jónsson úr Víkingi á móti Ingólfi Ingólfssyni úr KR og Magnúsi Finni Magnússyni úr Víkingi.
Í tvíliðaleik kvenna leika Eva Jósteinsdóttir og Lilja Rós Jóhannesdóttir úr Víkingi við Hólmfríði Snorradóttur og Hrefnu Finnsdóttur úr HK. Þær Eva og Lilja unnu titilinn saman árin 1994-2000. Í hinum undanúrslitaleiknum eigast við Bergrún Linda Björgvinsdóttir úr Dímon og Magnea Ólafs úr Víkingi og Guðrún G. Björnsdóttir úr KR og Ragnhildur Sigurðardóttir úr Víkingi. Þær Guðrún og Ragnhildur sigruðu í tvíliðaleiknum árið 2008.

Að auki fara fram úrslitaleikir í 1. og 2. flokki karla og kvenna.

ÁMU

Í karlaflokki mun athyglin beinast að Guðmundi Stephensen, sem freistar þess að vinna titilinn í meistaraflokki karla 17. árið í röð. Allir sterkustu leikmenn landsins munu freista þess að sigra Guðmund nema hvað Kjartan Briem mun ekki keppa í einliðaleik. Guðmundur hefur sigrað í tvíliðaleik á hverju ári frá 1995 nema árið 2007 eða í 14 skipti alls, og í tvenndarkeppni á hverju ári frá 1995 nema árið 1997, einnig í 14 skipti.

Í kvennaflokki má búast við spennandi keppni, þar sem Guðrún G. Björnsdóttir, Íslandsmeistarinn frá 2009 mun m.a. etja kappi við þær Evu Jósteinsdóttur og Lilju Rós Jóhannesdóttur, sem báðar hafa unnið titilinn í einliðaleik í meistaraflokki oftar en einu sinni.

Ritstjóra er aðeins kunnugt um einn Íslandsmeistara frá 2009 sem ekki mun mæta til leiks, en það er Fríður Rún Sigurðardóttir úr KR, sem sigraði í tvíliðaleik og 1. flokki kvenna. Bergrún Linda Björgvinsdóttir úr Dímon, sem sigraði í 2. flokki kvenna í fyrra hefur nú unnið sér sæti í 1. flokki og getur því ekki varið titilinn.

ÁMU (uppfært 6.3.2010)

Víkingur-A - Víkingur-D 4-0
Víkingur-C - Víkingur-B 0-4
KR-A - HK 4-0

ÁMU

Warta, lið Guðmundar Stephensen, tryggði sér sæti í 6 liða úrslitakeppni með 3-2 sigri á Halmstad. Guðmundur vann sinn einliðaleik á móti Wang Yin Zhou 2-1 (11-8, 12-14, 11-5). Hann og Robert Nilsson töpuðu síðan tvíliðaleiknum 1-2 (7-11, 11-8, 4-11) á móti Fredrik Håkansson og Wang Yin Zhou. Það kom þó ekki að sök þar sem sigurinn var þegar í höfn.
Warta hafnaði í 6. sæti í deildinni með 41 stig eftir 18 umferðir, stigi meira en Rekord, sem varð í 7. sæti. Meistarar Eslöv urðu langefstir með 65 stig.

Warta mætir Falkenberg í úrslitakeppninni. Liðin mætast fyrst á heimavelli Warta þann 23. mars, en síðan á heimavelli Falkenberg 27. mars. Komi til þriðja leiksins verður hann á heimavelli Falkenberg 30. mars.

Guðmundur hefur leikið 8 einliðaleiki fyrir Warta í vetur, unnið 5 en tapað 3. Hann hefur næsthæsta vinningshlutfall leikmanna Warta, en efstur er Chang Jiang Hong sem hefur unnið 24 leiki og tapað 10.

ÁMU

Miðvikudagur 3. mars
Víkingur-A - Víkingur-D kl. 19
Víkingur-C - Víkingur-B kl. 19

Fimmtudagur 4. mars
KR - HK kl. 19

Úrslitin verða sett á vef BTÍ eftir að þau hafa borist.

Að lokinni 10. og síðustu umferðinni í deildinni taka fjögur efstu liðin (Víkingur-A, Víkingur-B, KR-A og HK) þátt í fyrstu úrslitakeppninni í 1. deild karla.

ÁMU

Frá því að listinn fyrir 1. febrúar var birtur hafa eftirtalin mót verið lesin inn í styrkleikalistann, alls 267 leikir:

Flokkakeppni unglinga 13.-14. febrúar 2010
2. deild karla 14. febrúar 2010
1. deild kvenna 13.-19. febrúar 2010
Grand Prix mót Borðtennisdeildar Víkings og Rafkaups 20. febrúar 2010
Leikir úr 7. og 8. umferð í 1. deild karla

Hægt er að skoða úrslit úr mótum sem fara inn í styrkleikalistann með því að velja Úrslit á vef BTÍ, og síðan viðkomandi keppnistímabil, mót og flokk. Ef eitthvað er rangt skráð vinsamlegast látið þá umsjónarmann listans vita, netfang astaurb@gmail.com.

Nánari upplýsingar um styrkleikalista og útreikning stiga má sjá í skjalinu: Um_styrkleikalista_BTI_2009

Sjá má hvernig forritið fyrir styrkleikalistann vinnur með því að skoða sk. logskrá. Þar má skoða stigagjöf fyrir hvern leik fyrir sig og sjá hversu mörg stig leikmenn vinna og tapa fyrir hvern leik. Til að finna nafn einstakra leikmanna þarf að velja Control takkann og F samtímis og slá síðan nafn leikmannsins inn í gluggann sem þá birtist.
Sjá skjalið: Rating_1.3.2010

ÁMU

Dagskrá sunnudaginn 7. mars:
Kl. 11:30 Úrslitaleikir í 1. og 2. flokki karla og kvenna
Kl. 12:00 Undanúrslit í tvíliðaleik karla og kvenna
Kl. 12:30 Úrslitaleikir í tvíliðaleik karla og kvenna
Kl. 13:15 Undanúrslit í meistaraflokki karla og kvenna
Kl. 14:00 Úrslitaleikir í meistaraflokki karla kvenna
Kl. 14:30 Verðlaunaafhending

Nánari upplýsingar:
Islandsmotid_2010_plakat.pdf

ÁMU

ÁMU

Íslandsmót fullorðinna í borðtennis fer fram í TBR-húsinu helgina 6.–7. mars 2010.
Keppni hefst með tvenndarkeppni á laugardeginum kl. 11 og verður leikið til úrslita kl. 12.30.
Í öðrum meistaraflokkum verður leikið fram að undanúrslitum á laugardeginum en fram að úrslitum í 1. og 2. flokki.

Dagskrá laugardaginn 6. mars:
Tvenndarkeppni hefst kl. 11:00 – úrslitaleikur kl. 12:30
Tvíliðaleikur karla hefst kl. 12:00, leikið fram að undanúrslitum
Tvíliðaleikur kvenna hefst kl. 13:00, leikið fram að undanúrslitum
Meistaraflokkur kvenna hefst kl. 14:00, leikið fram að undanúrslitum
Meistaraflokkur karla hefst kl. 14:00, leikið fram að undanúrslitum
1. flokkur karla hefst kl. 15:00, leikið fram að úrslitaleik
1. flokkur kvenna hefst kl. 15:00, leikið fram að úrslitaleik
2. flokkur karla hefst kl. 16:00, leikið fram að úrslitaleik
2. flokkur kvenna hefst kl. 16:00, leikið fram að úrslitaleik

Skráningargjald er kr. 800 í einstaklingskeppnina og kr. 1.000 fyrir parið í tvíliðaleik og tvenndarkeppni.

Síðasti skráningardagur er miðvikudaginn 3. mars kl 18.00 og skal skráning hafa borist skriflega til BTÍ, Íþróttamiðstöðinni Laugardal eða á netfangið pos@itn.is fyrir þann tíma.
Dregið verður í mótið í herbergi BTÍ miðvikudaginn 3. mars kl. 21.00.

Nánari upplýsingar:
Islandsmotid_2010_nytt.pdf

ÁMU (uppfært 27.2.2010)

Guðmundur Stephensen úr Víkingi sigraði örugglega í karlaflokki en þetta er fyrsta mótið sem Guðmundur tekur þátt í hér á landi í vetur. Guðmundur fór í gegnum mótið án þess að tapa lotu. Í úrslitaleiknum atti hann kappi við hinn 18 ára Davíð Jónsson úr KR og sigraði 4-0 (11-3, 11-2, 11-8, 11-3). Davíð kom á óvart á mótinu og sigraði bæði Víkingana Magnús K. Magnússon, næst stigahæsta manninn og Magnús Finn Magnússon, sem var raðað númer fjögur. Magnús Finnur hlaut brons, sem og Sigurður Jónsson úr Víkingi.
Í kvennaflokki hefur endurkoma Víkingskvennanna Evu Jósteinsdóttur og Lilju Rósar Jóhannesdóttur vakið athygli. Lilja keppti á Íslandsmótinu 2008 en Eva hefur ekki keppt hér á landi síðan árið 1999, enda búsett erlendis.
Þær Eva og Lilja mættust í úrslitum á mótinu í dag og sýndu að þær hafa engu gleymt frá fyrri tíð. Í dag hafði Eva betur og sigraði Lilju 4-1 (4-11, 11-5, 11-4, 11-5, 11-8). Magnea Ólafs úr Víkingi og Hrefna Namfa Finnsdóttur úr HK urðu í 3.-4. sæti.

Lilja Rós Jóhannesdóttir sigraði síðan í B-keppninni en hún lagði Sigurð Herlufsen úr Víkingi í úrslitum. Gunnar Snorri Ragnarsson úr KR og Pétur Stephensen úr Víkingi fengu brons.

ÁMU (uppfært 21.2.2010)

Sigur Víkings var öruggur og unnu Víkingskonur 3-0. Eva Jósteinsdóttir úr Víkingi sigraði Bergrúnu Lindu Björgvinsdóttur úr Dímon 3-0 (11-5, 11-2, 11-2). Þá sigraði Lilja Rós Jóhannesdóttir úr Víkingi Dímonarkonuna Hrafnhildi Sigurðardóttur 3-0 (11-4, 11-4, 11-2). Víkingskonurnar unnu tvíliðaleikinn einnig 3-0 (11-2, 11-2, 11-3).

Að sögn viðstaddra mætti fjölda áhorfenda til að horfa á úrslitaleikinn á Hvolsvelli og var skemmtileg umgjörð um leikinn af hálfu heimaliðsins.

ÁMU (uppfært 26.2.)

Víkingur-C – Víkingur-A 0-4
Víkingur-B - KR 4-1
Víkingur-D - HK 0-4

Einnig hafa borist úrslit úr síðasta leiknum í 7. umferð:
Víkingur-B - Víkingur-D 4-0.

Íslandsmeistarar KR töpuðu öðrum leik sínum í deildinni þegar þeir töpuðu fyrir Víkingi-B. Barátta þriggja efstu liðanna í deildinni er því jöfn og spennandi.
Staðan í deildinni eftir 8. umferðir er sú að Víkingur-A er í efsta sæti með 14 stig. Víkingur-B og KR eru í 2.-3. sæti með 12 stig og HK er í 4. sæti með 8 stig. Þessi fjögur lið munu taka þátt í fyrstu úrslitakeppninni í 1. deild karla.
Annað hvort Víkingur-C eða Víkingur-D munu falla í 2. deild karla, en Akur tekur sæti þeirra í 1. deild á næsta ári.

ÁMU

Þátttökugjald í mótið er kr. 600-

Dómarar: Pétur Ó. Stephensen og Ólafur Ólafs.

Mótstjórn skipa: Pétur Ó. Stephensen, Magnús F. Magnússon, Ólafur Ólafs og Matthías Stephensen.

Dagskrá mótsins er eftirfarandi:

Laugardagur 20. febrúar:
kl. 14:00 Opinn flokkur karla
kl. 14:30 Opinn flokkur kvenna

Síðasti skráningardagur er fimmtudagur 18. febrúar 2010 klukkan 18:00, en dregið verður í mótið í TBR-Íþróttahúsinu.

Skráningar berist til Péturs Ó. Stephensen s-8940040/pos@itn.is, Matthías Stephensen s-8692962, Magnús F. Maganússon s-8690340

Nánari upplýsingar:

Grand_prix_Rafkaups_2010

Uppfært 18.2.2010

Miðvikudagur 17. febrúar
Víkingur-C – Víkingur-A kl. 18
Víkingur-B - KR kl. 19
Víkingur-D - HK kl. 19

Úrslitin verða sett á vef BTÍ eftir að þau hafa borist.

Staðan í deildinni eftir 7. umferðir er sú að KR-A og Víkingur-A hafa 12 stig eftir 7 leiki. Víkingur-B er í 3. sæti með 8 stig eftir 6 leiki. HK er síðan í 4. sæti með 6 stig eftir 7 leiki. Það stefnir í að þessi fjögur lið muni taka þátt í fyrstu úrslitakeppninni í 1. deild karla.

ÁMU

Síðasta umferðin í deildinni fer fram þann 3. mars og leikur Warta þá við Halmstad á útivelli.

ÁMU

Áformað er að annar leikurinn, sem jafnframt er heimaleikur Dímonar, fari fram á Hvolsvelli á föstudaginn. Með sigri tryggja Víkingskonur sér Íslandsmeistaratitilinn í 1. deild kvenna, en vinni Dímonarkonur verður úrslitaleikur á heimavelli Víkings.

ÁMU

Í 2. deild karla voru 10 lið mætt til leiks frá Akri, Erninum, HSK, KR og Víkingi. Mátti bæði sjá gamla kunningja sem sumir hverjir höfðu tekið upp spaðann að nýju, sem og yngri leikmenn.
Leikið var í tveimur riðlum og síðan leikið í kross upp úr riðlunum. Í undanúrslitum mættust annars vegar KR-B og Víkingur-E. Sigraði KR-B 3-1 í jöfnum leik. Í hinum undanúrslitunum mættust Akur-A og KR-C. Þar sigraði Akur-A örugglega 3-0.
Úrslitaleikurinn var jafn og spennandi til enda og lauk með 3-2 sigri Akursmanna (Helga Þórs Gunnarssonar, Jakobs Jörgensen og Markusar Meckl), eftir að KR-B (Einar Geirsson, Gunnar Snorri Ragnarsson og Hlöðver Steini Hlöðversson) hafði náð 2-0 forystu. Munaði þar mestu um Jakob, sem vann alla leiki sína í dag.
Það verður væntanlega lyftistöng fyrir borðtennis á Akureyri að fá leiki í 1. deild karla til bæjarins.

Í flokki ungmenna stúlkna 19-21 árs voru tvö lið skráð til leiks. Sameinað lið frá Dímon (Bergrún Linda Björgvinsdóttir) og Víkingi (Magnea Ólafs) vann lið Dímonar (Birta Rós Antonsdóttir og Fanney Ólafsdóttir) 3-0 í úrslitaleik. Bergrún er aðeins 13 ára og Birta lék líka upp fyrir sig í aldri. Þetta var jafnframt þriðji sigur Magneu í röð í þessum flokki.
Aðeins var eitt lið skráð til leiks í flokki ungmenna drengja 19-21 árs, lið KR. Þeir Davíð Jónsson og Gunnar Snorri Ragnarsson fengu því Íslandsmeistaratitilinn án þess að leika um hann. Davíð vann titilinn einnig í fyrra.

Ítarleg úrslit:

ÁMU (uppfært 15.2.)

Langfjölmennasti flokkurinn að vanda var flokkur sveina 15 ára og yngri. Þar voru 17 lið skráð til leiks en 12 þeirra mættu. Þetta var eini flokkurinn þar sem lið mættu en fóru heim án verðlauna.
A-lið KR sigraði örugglega í sveinaflokki og vörðu bræðurnir Pétur og Skúli Gunnarssynir titilinn sem þeir unnu í fyrra. Þetta er sjötta árið í röð sem KR sigrar í þessum flokki. Þeir sigruðu 3-0 í öllum sínum leikjum og lögðu A-lið Víkings, skipað Andra Þór Jónsssyni og Loga Ágústssyni í úrslitaleik. A- og B-lið HK hrepptu bronsverðlaunin.
Í flokki meyja 15 ára og yngri var aðeins lið HK skráð til leiks. Þær Hólmfríður Snorradóttir, Hrefna Namfa Finnsdóttir og Kristín Gyða Guðmundsdóttir fengu því Íslandsmeistaratitilinn án keppni. Þetta er jafnframt fyrsti Íslandsmeistaratitill HK í liðakeppni unglinga í borðtennis. Þær léku við stúlkurnar í flokki 16-18 ára og sigruðu lið Víkings 3-0 en töpuðu 1-3 fyrir KR.
Í flokki drengja 16-18 ára varði KR Íslandsmeistaratitilinn sem liðið hefur unnið undanfarin tvö ár. Liðið skipuðu Jóhannes Bjarki Tómasson, Kári Mímisson, Tómas Ingi Shelton og var þetta þriðja árið í röð sem Kári hampar þessum titli. Í öðru sæti var A-lið Víkings, skipað Daníel Bergmann Ásmundssyni og Sindra Þór Sigurðssyni, og lauk úrslitaleiknum með 3-0 sigri KR. Bronsið fór til B-liðs Víkings.
Í flokki stúlkna 16-18 ára sigraði KR þriðja árið í röð. Þær Eva Morgan Maurin og Sigrún Ebba Tómasdóttir (sem er 14 ára) sigruðu Eyrúnu Elíasdóttur og Helenu Xiang Jóhannsdóttur úr Víkingi 3-0 í úrslitaleik.
Í 1. deild kvenna verður úrslitakeppni í fyrsta skipti, skv. Breytingum á reglugerð sem gerðar voru á aukaþingi BTÍ í janúar 2009. Nú var því keppt um það hvaða tvö lið kæmust í úrslitakeppnina. Lið Víkings, skipað gömlu kempunum Evu Jósteinsdóttur og Lilja Rós Jóhannesdóttur sigraði örugglega bæði lið Dímonar og KR 3-0. Víkingur fer því inn í úrslitakeppnina með heimaleik í 1. leik og í 3. leik ef til hans kemur. Leikur Dímonar og KR var jafn og lauk með 3-1 sigri Dímonar. Þær Bergrún Linda Björgvinsdóttir og Hrafnhildur Sigurðardóttir mæta því Víkingum í úrslitakeppninni. Lið KR, sem átti titil að verja eftir sigur í fyrra og hitteðafyrra mátti láta sér nægja bronsið í þetta sinn, enda liðið ekki skipað sömu leikmönnum og hafa unnið titlana síðustu ár.

Ítarleg úrslit:

ÁMU

ÁMU