Borðtennissamband Íslands


	Sækja Flash Player til að skoða myndirnar.

16.6.2013 15:49:00 Breki og Eva hækkuðu mest á styrkleikalistanum á milli ára Breki Þórðarson úr KR hækkaði mest allra á styrkleikalistanum frá 1. júní 2012 til 1. júní 2013. Breki bætti við sig 277 stigum á keppnistímabilinu. Breki hækkaði sig þriðja mest í fyrra og hefur bætt við sig 408 stigum á tveimur árum. Eva Jósteinsdóttir úr Víkingi hækkaði mest allra kvenna á styrkleikalistanum á sama tíma. Hún bætti sig um 86 stig á keppnistímabilinu. Eva hækkaði sig næstmest í fyrra og hefur bætt við sig 259 stigum á tveimur árum. Yfirlit yfir alla leikmenn, sem léku á síðasta keppnistímabili og stöðu þeirra á styrkleikalista 1.6.2013 má sjá í meðfylgjandi skjölum: Virkir leikmenn 2012-2013 samanburður karlar Virkir leikmenn 2012-2013 samanburður konur ÁMU Breki Þórðarson hækkaði mest á styrkleikalistanum, hér á Norður-Evrópumóti unglinga 2012

12.6.2013 23:01:00 Íslensku liðin sem taka þátt í Arctic open tilkynnt Bjarni Bjarnason, landsliðsþjálfari, hefur valið þau lið sem taka þátt í liðakeppni Arctic open mótsins í Reykjavík 4.-7. júlí nk. Tvö íslensk lið taka þátt í karla- og kvennaflokki. Þau etja kappi við lið frá Færeyjum, Grænlandi og Jótlandi. Mótið hefst á liðakeppni þann 4. júlí. Einnig verður keppt í einliðaleik, tvíliðaleik og tvenndarkeppni. ÁMU Daði Freyr Guðmundsson leikur á Actic Open

10.6.2013 23:26:00 Alls kepptu 283 leikmenn á mótum keppnistímabilið 2012-2013 Alls tóku 283 leikmenn þátt í mótum á vegum Borðtennissambands Íslands keppnistímabilið 2012-2013. Þetta er einuum leikmönnum fleiri en á síðasta keppnistímabili. Á mótum vetrarins kepptu 201 karlar og 82 kona. Konum fjölgaði um 11 frá síðasta keppnistímabili en körlum fækkaði um 10. Þessir 283 leikmenn komu frá 16 félögum, fjórum fleiri en árið áður. Við bættust keppendur frá Ungmennafélaginu Heklu og Ungmennafélagi Skeiðamanna. Þá sneru aftur til leiks keppendur frá Ungmennafélaginu Eyfellingi og Ösp. Flestir kepptu fyrir KR, 77 leikmenn, 67 fyrir Dímon og 41 fyrir Víking. Víkingarnir Guðmundur E. Stephensen og Lilja Rós Jóhannesdóttir eru stigahæsti karlinn og konan sem kepptu á keppnistímabilinu. Jafnframt hefur styrkleikalistinn verið uppfærður fyrir 1. júní. Hann er óbreyttur frá 1. maí þar sem ekkert mót fór fram í maí. Á myndinni til hægri má sjá Lilju Rós Jóhannesdóttur, stigahæstu borðtenniskonuna á keppnistímabilinu. ÁMU (uppfært 16.6.)

31.5.2013 22:20:00 Lokadagur íslenska liðsins á Smáþjóðaleikunum Í dag lauk íslenska liðið keppni á Smáþjóðaleikunum í Lúxembourg.

30.5.2013 16:15:00 Þriðji dagurinn a Smáþjóðaleikunum í Lúxembourg. Þær Eva Jósteinsdóttir og Aldís Lárusdóttir spiluðu í dag í tvíliðaleik á Smáþjóðaleikunum í Lúxembourg.

Allar fréttir | Fréttir af eldri vef