Æfingabúðir hjá Åsa í Svíþjóð í sumar

Åsa borðtennisklúbburinn í Svíþjóð auglýsir æfingabúðir fyrir unglinga, annars vegar í viku 27 (3.-9. júlí) og hins vegar í viku 31 (31. júlí til 6. ágúwt). Þessar æfingabúðir eru spennandi kostur fyrir iðkendur sem ekki hafa verið valdir til þátttöku í unglingalandsliðsverkefni nú í sumar og einnig eldri leikmenn sem vilja bæta sig.

Íslenskir borðtennismenn hafa áður sótt þessar æfingabúðir og komið ánægðir heim. Þjálfarar eru m.a. Magnus Pohjolianen og Emil Ohlson, sem eru góðir í því að þjálfa börn og unglinga.

Bjarni Þ. Bjarnason, þjálfari hjá HK, þekkir vel framkvæmdina í þessum æfingabúðum og er tilbúinn að veita nánari upplýsingar. Netfangið hans er bordtennis@internet.is.

Auglýsingar um æfingabúðirnar má sjá í viðhengi: Vecka 31 i Åsa 2017 Vecka 27 i Åsa 2017

 

Því má svo við þetta bæta að Borðtennisdeild KR er að undirbúa æfingabúðir í viku 27, þ.e. fyrstu vikuna í júlí, Nánari upplýsingar eru væntanlegar á næstu dögum.

 

ÁMU

TENGDAR FRÉTTIR