A-lið Akurs og lið Samherja berjast um sigur í norðurriðli 2. deildar. Þegar einum leik er ólokið í riðlinum er A-lið Akurs ósigrað en Samherjar hafa aðeins tapaði fyrri leik sínum við Akur-A. Eini leikurinn, sem á eftir að leika er seinni leikurinn á milli þessara liða.

Auk þessara tveggja liða tóku Akur-B og Akur-C þátt í norðurriðlinum. Keppnin hófst í fyrri hluta mars en var síðan frestað vegna kórónuveiru faraldursins.

Akur-A og Samherjar munu leika í úrslitum 2. deildar í Íþróttahúsi Snælandsskóla þann 19. september, eins og fram kemur í frétt frá 27. ágúst. Það ræðst í síðasta leiknum hvort liðið leikur við Víking-C og hvort við HK-B.

Leikir í norðurriðlinum:

  • Akur-A – Samherjar 3-1
  • Akur-C – Akur-B 3-0
  • Akur-B – Samherjar 0-3
  • Akur-C – Akur-A 1-3
  • Akur-C – Samherjar 0-3
  • Akur-A – Akur-B Akur-B gaf leikinn
  • Akur-A – Akur-C 3-0
  • Samherjar – Akur-B Akur-B gaf leikinn
  • Samherjar – Akur-C Akur-C gaf leikinn
  • Akur-B – Akur-A Akur-B gaf leikinn
  • Akur-B – Akur-C ekki leikinn
  • Samherjar – Akur-A