Átta liða úrslit meistaradeildarinnar hefjast í vikunni

Átta liða úrslit meistaradeildar ETTU karla og kvenna hefjast í vikunni. Eftirfarandi lið mætast.

Karlar:
23. Janúar AS Pontoise Cergy frá Frakklandi gegn TTC Fakel Gazprom frá Rússlandi
24. Janúar K.S. Dartom Bogoria Grodzisk Mazowiecki frá Pólland gegn Borussia Düsseldorf frá Þýsklalandi
25. Janúar Post SV Mühlhausen frá Þýsklandi gegn TTSC UMMC frá Rússlandi
25. Janúar SPG Walter Wels frá Austruríki gegn Vaillante Sports Angers TT frá Frakklandi

Konur:
25. Janúar SKST Mart Hodonin – Stavoimpex frá Tékklandi gegn TTC Berlin Eastside frá Þýskalandi
25. Janúar ETIVAL CLAIREFONTAINE ASRTT frá Frakklandi gegn Dr. Casl frá Króatíu
25. Janúar Metz TT frá Frakklandi gegn Linz AG Froschberg frá Austuríki
26. Janúar Sporting Clube de Portugal frá Portúgal gegn KTS Enea Siarka Tarnobrzeg frá Pólandi

Leikið er heima og heiman í Swaythling Cup kerfi. Liðið sem hlýtur flesta vinninga samanlagt fer áfram í undanúrslit. Verði jafnt eru lotur reiknaðar og því næst stig.

Spá bordtennis.is fyrir fyrri umferðina.

Karlar:

Gazprom sigrar Cergy örugglega 3-1 Patrick Baum tekur einn leik fyrir Cergy. Gazprom er líklega með sterkasta hópinn í mótinu með hinn síunga Vladimir Samsonov í fararbroddi fyrir stórstjörnum eins og Marcos Freitas, Dimitrij Ovtcharov og Yan An.

Borussia Düsseldorf sigrar Grodzisk Mazowiecki 3-1 Timo Boll og félagar sigra þennan leik örugglega. Panagiotis Gionis sigrar Anton Källberg en annars verður þetta þægilegur sigur fyrir Düsseldorf sem hefur hrikalega breiðan og góðan hóp. Póverjarnir eiga eftir að ŕeyna að stilla Gionis frá Kristian Karlsson sem sigraði þann gríska 4-0 á Opna ungverska fyrir nokkrum dögum.

TTSC UMMC sigrar Mülhenhausen þetta verður jafn leikur. Stórstjarna Rússana Fang Bo verður það sem skilur á milli liðana og tekur hann tvo leiki.

Lið Walter Wels er nokkuð óvænt í átta liða úrslitunum en liðið endaði í öðru sæti B-riðils. Angers er með ágætan hóp en ekki neitt sérstaklega sterkan. Svíarnir Jon Persson og Jens Lundquist eru fyrstu menn á blað hjá þeim frönsku. Walter Wels sigrar þennan leik og öskubuskuævintýri þeirra á eftir að halda áfram. Lið frá Austurríki hafa átt góðu gengi að fagna í þessari keppni en SVS Niederösterreich hefur fimm sinnum leikið til úrslita.

Konur:

Leikur Mart Hodonin og Berlin Eastside gæti orðið spennandi. Þær frá Austur-Berlín eru með mjög breiðan hóp en Mart Hodonin eru með skemmtilegt lið þar sem Natalia Partyka er fremst meðal jafningja. Þær þýsku vinna í mjög góðum leik 3-1 þar sem Íslandsvinurinn Nina Mittelham mun vinna einn leik.

Etival Clairefontaine á því miður ekki séns í þær Króatísku. Ríkjandi meistarar Dr. Casl sigra örugglega 3-0 og eiga ekki eftir að tapa mörgum lotum.

Linz Froschberg var með tvö lið í keppninni og er þetta sterkara lið þeirra. Þær eiga eftir að sigra þægilega. Minne Soo tekur tvo leiki og sú sænska, Linda Bergström einn. Lokatölur 3-1 fyrir Linz gegn Metz.

Sporting stelpurnar eru með þunnan hóp en vissulega er byrjunarliðið mjög sterkt með þær Zhenqi Barthel Apalonia, Li Fen og Daniela Dodena en þær eru samt allar búnar með sinn besta borðtennis. Í Pólska liðinu eru þrjár stelpur sem hafa orðið Evrópumeistarar í einliðaleik þar á meðal ríkjandi meistari Li Quin, hinar eru Elizabeth Samara og Viktoria Pavlovich. Samara þurfti að hætta leik á Opna ungverska vegna veikinda og því gæti Tarnobrezg spilað með þrjá varnarspilara því Ying Han Evrópumeistari í tvenndarleik er líka í hópnum. Þetta verður klárlega besti leikur fyrri hluta átta liða úrslitana og spá okkar 3-2 fyrir Tarnobrezg í frábærum leik.

Bordtennis.is bendir á að hægt er að fylgjast með leikjunum á heimasíðu hér

TENGDAR FRÉTTIR