Automatic translation by Google Translate. We cannot guarantee that it is accurate.

Borðtennisæfingabúðir milli jóla og nýárs 28.-30. desember 2019. Skráning.

BTÍ vekur athygli á góðum æfingabúðum milli jóla og nýárs sem landsliðsmennirnir Magnús Gauti Úlfarsson og Birgir Ívarsson stýra. Hægt er að nálgast dagskránna hér. Dagskránna er einnig að finna í texta hér að neðan.

U18 Jólaæfingabúðir Magnúsar Gauta og Birgis

Um hvað er að ræða?

Tíminn milli jóla og nýárs hefur hjá borðtennisfólki löngum verið þannig að borðtennisspaðinn safnar ryki og maginn spiki en í ár verður ekkert slíkt í boði því við ætlum að halda æfingabúðir fyrir leikmenn undir 18 ára.

Hvenær? Dagana 28.-30. desember verður ekkert gefið eftir, enda verða þá 5 æfingar og 1 mót. Ma Long og hinir Kínverjarnir munu ekkert eiga í þátttakendur þegar þeir koma til baka úr jólafríinu.

Hverjir? Eins og nafnið gefur til kynna, þá verða þjálfarar æfingabúðanna þeir Birgir Ívarsson og Magnús Gauti Úlfarsson. Þeir Birgir og Magnús hafa æft af krafti í Noregi og Svíþjóð hjá mjög hæfum þjálfurum og helga íþróttinni allan sinn tíma frá morgni til kvölds. Hafa þeir báðir unnið fjölda Íslandsmeistaratitla bæði í unglinga- og fullorðinsflokkum og hafa átt fast sæti í unglingalandsliði upp alla yngri flokkana og nú í fullorðinslandsliði.  Hafa þeir tekið þátt í tugum landsliðsverkefna á vegum Borðtennissambands Íslands. 

Magnús er Íslandsmeistari fullorðinna í einliðaleik síðastliðin tvö ár og auk þess eru hann og Birgir ríkjandi Íslandsmeistarar í tvíliðaleik og liðakeppni fullorðinna (Raflandsdeildin).

Þeir Birgir og Magnús eru heldur engir nýgræðingar á sviði þjálfunar. Þeir hafa lært ýmislegt undir leiðsögn þjálfara sem auðveldlega mætti telja meðal þeirra bestu í Evrópu. Jafnframt hafa þeir setið þjálfaranámskeið hjá ITTF þjálfurunum Aleksey Yefremov, Neven Cegnar og Ferenc Karsai.

Hvar? Íþróttahúsið við Strandgötu í Hafnarfirði (BH-Húsið) 

64°03’55.50” N 21°57’18.41 V (hnit fyrir áttavillta)

-Æfingar munu fara fram í stóra salnum.

Hvernig? Blóð sviti og tár.

Innifalið er: 

11,5 klst. af æfingum + mót þar sem allir fá jafn marga leiki. Á milli æfinga er frjáls tími og þá gefst smá tími til þess að borða, jafna sig, leika sér eða jafnvel skipuleggja bankarán (vinsamlegast ekki samt!).

-Takið nesti með ykkur!


Skráning: Sendið póst á netfangið [email protected]
Eftirfarandi þarf að koma fram: Fullt nafn, félag og aldur.

Verð: kr. 12.000,-

Algengar spurningar: 

Hverjir mega taka þátt? 

Allir leikmenn undir 18 ára aldri mega taka þátt, en við mælum með því að  þátttakendur hafi grunnþekkingu á borðtennis og hafi æft í a.m.k. eitt misseri. Álagið er mikið og flestar æfingarnar gera  ráð fyrir því að leikmenn kunni aðeins til verka. 

Hvernig verður æfingum háttað?

Allar æfingar hefjast á góðri upphitun í stjórn Magnúsar Gauta og svo eru teygjur með Birgi í lok æfinga til þess að sjá til þess að allir verði meiðslalausir og ferskir fyrir áframhaldandi æfingar.

Á hverjum degi eru mismunandi áherslur í æfingunum, t.d. fótaburður, kraftur, hraði, tækni o.s.frv.

Hvernig greiði ég fyrir barnið mitt?

Með greiðslu kr.  12.000,- inn á eftirfarandi reikning: 

Reikningur: 0545-26-190600

KT: 1906002890

Mikilvægt: Áður en greitt er, þá þarf að senda póst á ofangreind netföng og fá staðfestingu á þátttöku.

Þar sem að borðtennisborð eru takmörkuð auðlind, þá er ekki víst að allir sem vilja taka þátt komist að, og því er um að gera að drífa sig í skráningu.

______________________________________________________

Æfingatafla:

28. des Laugardagur:

10:00-12:30 (Æfing 1) 

12:30-14:00 (Hádegismatur)

14:00-16:00 (Æfing 2)

29. des Sunnudagur:

10:00-12:30 (Æfing 3) 

12:30-14:00 (Hádegismatur)

14:00-16:00 (Æfing 4)

30. des Mánudagur:

9:00-11:30 (Æfing 5)

11:30-12:30 (Hádegismatur)

12:30-15:00* (Jólamót)

*Við gerum ráð fyrir því að mótinu ljúki um 15.

__________________________________________________________

Aðrar fréttir