Áður en keppni hófst í Keldudeildinni laugardaginn 23. janúar fékk borðtennisfólk ársins 2020 afhentar viðurkenningar sínar. Andri Stefánsson, sviðsstjóri Afreks- og Ólympíusviðs ÍSÍ, afhenti þeim Agnesi Brynjarsdóttur og Inga Darvis Rodriguez, borðtennisfólki ársins 2020, viðurkenningar sínar.

Vegna kórónaveiru faraldursins féll niður hefðbundin hátíð ÍSÍ, þar sem íþróttafólk ársins er tilkynnt. Þess vegna voru viðurkenningarnar afhentar í hverri íþrótt fyrir sig.

Agnes og Ingi Darvis eru á forsíðunni en hér fyrir neðan með Andra Stefánssyni frá ÍSÍ og Erni Þórðarsyni, formanni BTÍ.

Myndir frá Auði Tinnu Aðalbjarnardóttur.