Event Information:

  • Sat
    07
    Jan
    2017
    Sun
    08
    Jan
    2017

    Æfingabúðir fyrir stelpur á Hvolsvelli

    Íþróttamiðstöðin Hvolsvelli

    Helgina 7.-8. janúar 2017 munu Auður Tinna Aðalbjarnardóttir (KR) og Eyrún Elíasdóttir (Víkingi) standa fyrir æfingabúðum fyrir borðtennisstelpur á Hvolsvelli. Aðstoðarþjálfari með kúluæfingar verður Tómas Ingi Shelton (BH).

    Stúlkum úr öllum félögum býðst að taka þátt og er vonast eftir sem fjölbreyttustum æfingahópi.

    Dagskráin byggist aðallega á þremur æfingum og æfingamóti eins og á sambærilegum æfingabúðum undanfarin ár. Á milli æfinga verður farið í sund í sundlauginni á Hvolsvelli, borðuð pizza í söluskálanum Björkin og margt annað skemmtilegt.

    Gist verður í félagsmiðsöðinni á Hvolsvelli og því nauðsynlegt að taka með vindsæng/dýnu og svefnpoka.

    Verð fyrir æfingabúðirnar eru 8.500 kr sem greiðast við brottför. Innifalið í því er allt uppihald, að undanskilnu því ef stelpurnar vilja kaupa eitthvað aukalega (eins og bland í poka á laugardagskvöldinu). Möguleiki er fyrir hendi að foreldrar komi með sé áhugi fyrir því.

    Farið verður með strætó frá Mjódd á Hvolsvöll. Farið kostar 8 miða á Hvolsvöll og 8 miða til baka og hægt er að kaupa miðana í Mjódd frá kl. 10:00 daginn sem við förum. Strætómiðarnir eru ekki innifalnir í verðinu fyrir æfingabúðirnar. 20 miða spjald fyrir 6-11 ára kostar 1.300 kr og sami fjöldi fyrir 12-17 ára kostar 3.000 kr.

    Dagskrá helgarinnar er eftirfarandi:

    Laugardagur:

    11:00               Mæting í strætómiðstöðina í Mjódd

    11:30               Strætó nr. 51 fer af stað

    13:07               Strætó kemur á Hvolsvöll, stutt hádegishressing

    13:30-15:00   1. æfing

    15:00-17:00   Sund og hressing

    17:00-18:30   2. æfing

    19:00-20:00   Pizzuveisla (hlaðborð)

    20:00-22:00   Frjáls tími, spilakvöld og leikir

    22:30               Svefntími

    Sunnudagur:

    09:30              Morgunmatur

    10:00-11:30   3. æfing

    11:30-12:00   Hádegismatur

    12:00-14:00   Æfingamót

    15:09              Brottför frá Hvolsvelli með strætó nr. 52

    16:57              Strætó kemur í Mjódd

    Opnað hefur verið fyrir skráningar hjá Auði á netfangið audurta@hotmail.com og skráningarfrestur er 4. janúar 2017. Vinsamlegast látið vita við skráningu ef einhverjar sérþarfir eru varðandi matarræði.