Event Information:

  • Sat
    27
    Jan
    2018
    Sun
    28
    Jan
    2018

    Æfingabúðir fyrir stráka

    11:00Íþróttamiðstöðin Hvolsvelli

    Æfingabúðir í borðtennis fyrir stráka verða haldnar á Hvolsvelli helgina 27.-28. janúar. Strákum úr öllum félögum býðst að taka þátt og er vonast eftir sem fjölbreyttustum æfingahópi. Æfingabúðirnar eru einungis ætlaðar strákum, 15 ára og yngri, sem hafa æft að minnsta kosti í 1 ár. 

    Ferðin verður lærdómsrík og skemmtileg verður lagt upp úr því að leikmenn æfi og kynnist leikmönnum frá öðrum félögum og skemmti sér með eigin æfingafélögum. Þá verður farið í sund í sundlauginni í íþróttahúsinu á Hvolsvelli,pizza borðuð og margt annað skemmtilegt.

    Þjálfarar á svæðinu verða Breki Þórðarson (þjálfari í KR), Skúli Gunnarsson (þjálfari í KR) og Tómas Ingi Shelton (þjálfari í BH).

    Gist verður í félagsmiðstöðinni á Hvolsvelli, beint á móti íþróttahúsinu og því nauðsynlegt að taka með vindsæng/dýnu og svefnpoka.

    Verð fyrir æfingabúðirnar eru 8.500 kr. sem greiðast við brottför. Innifalið í því er allt uppihald, að undanskildu því ef strákarnir vilja kaupa eitthvað aukalega (eins og bland í poka á laugardagskvöldinu). Möguleiki er fyrir hendi að foreldrar komi með sé áhugi fyrir því.

    Farið verður með strætó frá Mjódd á Hvolsvöll. Farið kostar 8 miða á Hvolsvöll og 8 miða til baka og hægt er að kaupa miðana í Mjódd frá kl. 10:00 daginn sem við förum. Strætómiðarnir eru ekki innifaldir í verðinu fyrir æfingabúðirnar. 20 miða spjald fyrir 6-11 ára kostar 1.300 kr. og sami fjöldi fyrir 12-17 ára kostar 3.000 kr.

    Dagskrá helgarinnar er eftirfarandi:

    Laugardagur:

    11:00             Mæting í strætómiðstöðina í Mjódd

    11:29             Strætó nr. 51 fer af stað

    13:07             Strætó kemur á Hvolsvöll, stutt hádegishressing

    13:30-15:00   1. æfing

    15:00-17:00   Sund og hressing

    17:00-18:30   2. æfing

    19:00-20:00   Pizzuveisla (hlaðborð)

    20:00-22:00   Frjáls tími, spilakvöld og leikir

    22:30             Svefntími

    Sunnudagur:

    09:30             Morgunmatur

    10:00-11:30   3. æfing

    11:30-12:00   Hádegismatur

    12:00-14:00   Lokamót

    15:08             Brottför frá Hvolsvelli með strætó nr. 52

    16:57             Strætó kemur í Mjódd

    Opnað hefur verið fyrir skráningar hjá Tómasi á netfangið shelton92@gmail.com og skráningarfrestur er 26. janúar 2017. Ef búðirnar skyldu fyllast gildir reglan fyrstir koma fyrstir fá. Vinsamlegast látið vita við skráningu ef einhverjar sérþarfir eru varðandi matarræði.

    Annars ekki hika við að hafa samband við Tómas þjálfara ef það eru einhverjar spurningar.