Davíð og Aldís Íslandsmeistarar í tvenndarleik

Davíð Jónsson og Aldís Rún Lárusdóttir urðu Íslandsmeistarar í tvenndarleik í fjórða sinn á fyrri degi Íslandsmótsins í borðtennis, sem fram fer í Íþróttahúsinu Digranesi 2.-3. mars. Í úrslitum unnu þau Ellert Kristján Georgsson og Auði Tinnu Aðalbjarnardóttur úr KR 3-2. Gunnar Snorri Ragnarsson og Ársól Clara Arnardóttir úr KR og Magnús Jóhann Hjartarson og Stella Karen Kristjánsdóttir úr Víkingi urðu í 3.-4. sæti.

Sunnudaginn 3. mars er leikið til úrslita í átta öðrum keppnisgreinum. Keppni í undanúrslitum í 1. og 2. flokki hefst kl. 11, síðan verður keppt í tvíliðaleik en í meistaraflokki karla og kvenna kl. 13. Áætlað er að verðlaunaafhending hefjist kl. 14.30. Nánari upplýsingar um tímasetningar má sjá í dagatalinu hér hægra megin á síðunni.

Íslandsmeistarar fyrra árs eru enn með í þeim greinum þar sem þeir tóku þátt í ár, þ.e. í meistaraflokki karla og kvenna, tvíliðaleik kvenna og 1. flokki kvenna.

Á forsíðumyndinni má sjá pörin sem léku til úrslita í tvenndarleik.

ÁMU

TENGDAR FRÉTTIR