Fyrri dagur Alþjóðadómaranámskeiðs.

Fyrri degi Alþjóðadómaranámskeiðsins fer senn að ljúka.  Dagurinn hefur liðið í völundarhúsi þankagangs alþjóðadómara um túlkun þess hvenær spaðinn er sléttur eður ei og hvenær búið sé að líma of þykkt.  Fínni blæbrigði þess hvenær rétt er gefið upp og hvenær ekki og hvort vit sé í því að geyma spaða undir afturendanum til að hita hann, hver áhrif það hefur á viðinn og hvenær leikmenn tefja leik og hvenær það er hluti af rútínu. Þátttakendur eru við það að drukkna í þekkingarhafi borðtennisreglna.     

Stórskemmtilegt námskeið í alla staði.  Það heldur áfram á morgun, sunnudag kl. 10.00 og eru allir þeir sem áhuga hafa á dómgæslu og alþjóðamótum hvattir til þess að mæta.