Glæsilegu borðtennismóti lokið

Borðtennismót Reykjavíkurleikanna fór fram í TBR-Íþróttahúsinu í Laugardal laugardaginn 30. janúar.  Keppt var í karla og kvennaflokki þar sem flest besta borðtennisfólk landsins lék. Karl Magnus Markku Pohjolainen frá Svíþjóð kom sérstaklega til landsins til að taka þátt í mótinu. Einnig tóku þátt leikmenn frá Ungverjalandi og Póllandi sem búsettir eru á Íslandi.

Í karlaflokki léku í undanúrslitum Daði Freyr Guðmundsson, Víkingi, og Davíð Jónsson, KR.  Leikar fóru þannig að Daði Freyr sigraði 4 – 1 (11-9, 13-11, 9-11, 11-8, 11-8) eftir bráðfjörugar lotur.  Í hinum undanúrslitaleiknum lék Svíinn Magnus Karl Markku Pohjolainen gegn Magnúsi Gauta Úlfarssyni BH, en Magnús hafði slegið út stigahæsta leikmanninn, Csanád Forgács-Bálint í 8 manna úrslitum. Leikar fóru þannig að Svíinn Karl Magnus sigraði  örugglega 4 – 0 (11-3, 15-13, 11-5, 11-5).

Úrslitaleikinn léku því Svíinn Karl Magnus Markku Pohjolainen og Daði Freyr Guðmundsson, Víkingi.  Leikurinn var mjög skemmtilegur þar sem Svíinn Karl Magnus sigraði 4 – 0 (11–7, 11–7, 11–6 og 12–10).

Í kvennaflokki lék í undanúrslitum Aldís Rún Lárusdóttir, KR, gegn Berglindi Ósk Sigurjónsdóttir, Víkingi. Aldís sigraði nokkuð örugglega 4 – 1 (11-8, 11-8, 11-9, 4-11 og 12-10).

Í hinum undanúrslitaleiknum lék Kolfinna Bjarnadóttir, HK, gegn Sigrúnu Ebbu Tómasdóttur, KR.  Kolfinna sigraði 4 – 3 eftir hörkuleik (11–6, 11–6, 5-11, 11–5, 7-11, 5-11, og að lokum 11-8).

Úrslitaleikinn í kvennaflokki léku því Kolfinna Bjarnadóttir og Aldís Rún Lárusdóttir. Um spennandi úrslitaleik var að ræða þar sem Kolfinna sigraði að lokum 4 – 3 (12-10, 15-17, 7-11, 9-11, 11-8, 11-7 og 12-10).

Úrslit í mótinu voru eftirfarandi:

RIG 2016 karlar

Einliðaleikur karla:

  1. Magnus Karl Markku Pohjolainen Svíþjóð
  2. Daði Freyr Guðmundsson Víkingur

3-4.  Davíð Jónsson KR

3-4.  Magnús Gauti Úlfarsson BH

RIG 2016 konur

Einliðaleikur kvenna:

  1. Kolfinna Bjarnadóttir BH
  2. Aldís Rún Lárusdóttir KR

3-4.  Berglind Ósk Sigurjónsdóttir Víkingur
3-4.  Sigrún Ebba Tómasdóttir KR

 

ÁMU, byggt á frétt frá Borðtennisdeild Víkings og myndir frá Víkingi

TENGDAR FRÉTTIR