Íslensku landsliðin í 6.-10. sæti á Norður-Evrópumóti unglinga

Íslensku unglingalandsliðin luku keppni í 6.-10. sæti á Norður-Evrópumóti unglinga, sem fram fer þessa dagana í Haapsalu í Eistlandi.

Ísland-I í drengjaflokki (16-18 ára) náði bestum árangri og sigraði Eistland-II 3-1 í keppni um 5.-8. sæti. Magnús Gauti Úlfarsson og Ellert Kristján Georgsson unnu leikina, Magnús tvo og Ellert einn. Á sama tíma tapaði Ísland-II fyrir Litháen 3-1, en Litháar mættu bara tveir til leiks. Ísland-I lék því við Litháen um 5. sæti en tapaði þeim leik 1-3, og hafnaði í 6. sæti. Ísland-II tapaði 1-3 fyrir Eistlandi-II, en Karl A. Claesson vann eina leik Íslands. Ísland-II lauk því keppni í 8. sæti en Finnland-II varð neðst í 9. sæti.

Í stúlknaflokki (16-18 ára) tapaði Ísland fyrir Eistlandi-II 0-3 og sömu úrslit urðu í leik liðsins við Eistland-I. Þær höfðnuðu í 6. og neðsta sæti í flokknum. Stella Karen Kristjánsdóttir vann tvær lotur í leik sínum við Eistland-II og Ársól Clara Arnardóttir vann eina.

Í sveinaflokki (15 ára og yngri) léku lið Íslands um 9. sætið af 10 liðum. Ísland-I sigraði Ísland-II 3-0 og varð því í 9. sæti en Ísland-II varð í 10. sæti.

Í flokki meyja (15 ára og yngri) lék Ísland-I við Noreg og Ísland-II við Lettland um sæti 5-8. Bæði liðin töpuðu 0-3 og mættust því í leik um 7. sæti. Ísland-I vann Ísland-II 3-0 og varð í 7. sæti af 8 liðum, en Ísland-II hafnaði í 8. sæti. Kristín Ingibjörg Magnúsdóttir vann lotu í einliðaleik gegn Lettlandi.

Keppni í einliðaleik hófst kl. 14 að staðartíma, og verður sagt frá úrslitum dagsins í einliðaleik í annarri frétt.

Á forsíðumyndinni má sjá Eirík Loga og Mattis í Íslandi-I í sveinaflokki í leik við Noreg II.

 

ÁMU

TENGDAR FRÉTTIR