Karl og Sigrún Ásta sigruðu á styrkleikamóti Dímonar

Dímon vor 2016 2 fl ko

Karl A. Claesson, KR og Sigrún Ásta Sverrisdóttir, BH, sigruðu á styrkleikamóti Dímonar á sumardaginn fyrsta. Keppt var í 2. flokki karla og kvenna og komu keppendur frá BH, Dímon, Garpi, Heklu, HK, og KR.

Karl sigraði Guðmund Örn Halldórsson 3-1 (11-8, 12-14, 11-8, 12-10) í úrslitum í karlaflokki. Óskar Agnarsson, HK og Þorgils Gunnarsson, Heklu höfnuðu í 3.-4. sæti.

Í kvennaflokki var Sigrún Ásta Sverrisdóttir úr BH öruggur sigurvegari, en hún vann alla sína leiki 3-0. Í 2. sæti var Erla Guðfinna Jónsdóttir, Dímon, Sóley Jónsdóttir úr Dímon varð þriðja og María Rósa Einarsdóttir, Dímon varð í fjórða sæti.

Einnig var keppt í B-keppni og í henni sigraði Arturs Stankus úr HK.

Verðlaun voru glæsileg, en sigurvegararnir í báðum flokkum fengu i vinning gjafabréf frá Eldstó Café uppá heitt súkkúlaði og heita vöfflu með ís, gjafabréf frá söluskálanum Björkinni uppá 16´ pizzu og gos og gjafabréf frá Lárusi í Miðhúsum uppá klst. hestaferð um Njáluslóðir. Þá bauð Sláturfélag Suðurlands keppendum og aðstandendum uppá pylsur í lok móts og að vanda var frítt í sund fyrir keppendur á meðan sundlaugin var opin.

Mynd af verðlaunahöfum í karlaflokki er frá Sigrúnu Halldórsdóttur og mynd af verðlaunahöfum í kvennaflokki er frá Dímon.

 

ÁMU (uppfært 25.4.)

TENGDAR FRÉTTIR