Keppendur Íslands á EM unglinga komnir til Portúgal

Evrópumeistaramót unglinga hefst í Guimarães, Portúgal þann 14. júlí og stendur til 23. júlí. Íslensku liðin eru komin til Portúgal og hefja keppni í liðakeppni 14. júlí. Liðakeppnin stendur yfir 14.-18. júlí en 19.-23. júlí verður leikið í einstaklingsgreinum.

Íslensku kadett strákarnir leika í G-riðli með Írlandi, Slóveníu og Kýpur. Junior drengirnir eru í H-riðli með Austurríki, Sviss og Svartfjallalandi.

Liðin skipa:

Junior drengir (16-18 ára)
Birgir Ívarsson, BH
Ellert Kristján Georgsson, KR
Kári Ármannsson, KR
Magnús Gauti Úlfarsson, BH
 
Cadet drengir (U-15 ára)
Ingi Brjánsson, KR
Ingi Darvis Rodriguez, Víkingur
Ísak Indriði Unnarsson, Víkingur

Kristján Viðar Haraldsson, unglingalandsliðsþjálfari er þjálfari í ferðinni. Ingimar Ingimarsson, formaður BTÍ er með í för og Hannes Guðrúnarson alþjóðadómari verður dómari á mótinu.

Hægt er að fylgjast með á vef mótsins á slóðinni http://www.ettu.org/en/events/european-youth-championships/general-information/ og á Facebook síðu Borðtennissambands Íslands.

Á forsíðumyndinni má sjá liðsmenn drengjaliðisins.
ÁMU

TENGDAR FRÉTTIR