Keppni í suðurriðli 2. deildar lokið
Síðustu tvær umferðirnar í suðurriðli 2. deildar voru leiknar í Íþróttahúsinu við Strandgötu í Hafnarfirði sunnudaginn 18. apríl.
Í A-riðli sigraði KR-B með fullt hús stiga, 20 stig, eftir 3-2 sigur á HK-C, sem varð í 2. sæti með 16 stig. KR-B var eina liðið í 2. deild sem fór taplaust í gegnum riðlakeppnina.
Í B-riðli suðurriðils voru tvö lið jöfn að stigum með 14 stig, BH-B og Víkingur-C eftir að Víkingur-C lagði BH-B 3-2 í dag. Bæði lið munu vera með 23 unna leiki og 5 tapaða. Fara þarf nánar yfir hlutfall unninna og tapaðra lota til að sjá hvort liðið fer í úrslitakeppnina.
Úrslit úr einstökum leikjum
A-riðill
- KR-C – Vík-D 0-3 (KR-C mætti ekki til leiks)
- BH-D- HK-C 0-3
- KR-B – BH-C 3-0
- HK-C – KR-B 2-3
- BH-C – KR-C 3-0 (KR-C mætti ekki til leiks)
- Víkingur-D – BH-D 0-3
B-riðill
- BH-B – Víkingur-C 2-3
- Selfoss – KR-D 0-3 (Selfoss mætti ekki til leiks)
- KR-D – BH-B 0-3
- KR-E – Selfoss 3-0 (Selfoss mætti ekki til leiks)
Liðin tvö úr suðurriðlinum mæta Samherjum-A og Akri-A sem urðu í tveimur efstu sætunum í norðurriðli 2. deildar. Fyrirhugað er að úrslitakeppnin fari fram 15. maí á Akureyri.
Úrslit úr einstökum leikjum í viðureignunum má fljótlega sjá á vef Tournament Software, https://www.tournamentsoftware.com/sport/tournament.aspx?id=7A149223-4A57-42D9-9F95-ED364B4DC06E
Á forsíðunni má sjá lið KR-B.
Uppfært 19.4.
