Kínverjar heimsmeistarar í liðakeppni karla og kvenna

Kínverjar urðu heimsmeistarar bæði í liðakeppni karla og kvenna á heimsmeistaramótinu, sem lauk í Kuala Lumpur í Malasíu 6. mars. Kínverjar höfðu yfirburði og unnu alla leiki sína á mótinu. Japan varð í öðru sæti í báðum flokkum. Í karlaflokki höfnuðu Englendingar óvænt í 3.-4. sæti ásamt Suður-Kóreu, en Englendingar unnu sig upp í úrvalsdeildina á síðasta móti. Þjóðverjar voru vængbrotnir án Dimitrij Ovtcharov og Timo Boll var veikur í upphafi mótsins og náði ekki að sýna sinn besta leik.

Í kvennaflokki höfnuðu Taiwan og Norður-Kórea í 3. -4. sæti.

Kínverjinn Ma Long vann það einstæða afrek að fara í gegnum þriðja heimsmeistaramótið sitt í liðakeppni án þess að tapa lotu í 22 leikjum.

Nánar má lesa um mótið á heimasíðu Alþjóðaborðtennissambandsins ITTF, www.ittf.com. Myndin af kínversku heimsmeisturunum í liðakeppni kvenna er fengin af heimasíðu ITTF.

ÁMU