Automatic translation by Google Translate. We cannot guarantee that it is accurate.

KR-A Íslandsmeistari í 1. deild karla

KR-A varð í kvöld Íslandsmeistari í 1. deild karla eftir æsispennandi viðureign í oddaleik við Víking-A, sem lauk með 4-3 sigri KR-inga. KR vann síðast titilinn árið 2011 en Víkingur hefur unnið deildina síðustu 5 ár.

Sigurlið KR-A skipa Breki Þórðarson, Kári Ármannsson, Kári Mímisson og Skúli Gunnarsson. Kári Ármannsson vann þar með sinn annan Íslandsmeistaratitil í meistaraflokki á keppnistímabilinu en hann er aðeins 15 ára gamall og líklega yngsti leikmaðurinn til að vinna meistaraflokkstitil síðan Guðmundur Stephensen vann sína titla.

Lið Víkings-A í vetur skipuðu Daði Freyr Guðmundsson, Magnús Jóhann Hjartarson, Magnús K. Magnússon og Sindri Þór Sigurðsson.

Áhorfendur voru margir á mælikvarða deildarleikja í borðtennis og hvöttu sína menn til dáða.

Dómarar voru Ellert Kristján Georgsson, Elvar Kjartansson, Jóhannes Bjarki Urbancic Tómasson, Jóhannes Kári Yngvason, Karl A. Claesson og Tómas Ingi Shelton.

Úrslit úr einstökum leikjum 

KR-A – Víkingur-A 4-3

  • Breki Þórðarson – Magnús K. Magnússon 0-3 (5-11.5-11, 9-11) 0-1
  • Kári Mímisson – Sindri Þór Sigurðsson 3-1 (11-6, 11-8, 9-11, 11-8) 1-1
  • Skúli Gunnarsson – Magnús Jóhann Hjartarson 3-2 (15-17, 8-11, 11-7, 13-11, 12-10) 2-1
  • Kári Ármannsson/Kári Mímisson – Magnús Kristinn/Sindri 0-3 (4-11, 9-11, 5-11) 2-2
  • Kári Mímisson – Magnús K. Magnússon 3-1 (11-7, 11-8, 12-14, 11-8) 3-2
  • Breki Þórðarson – Magnús Jóhann Hjartarson 1-3 (11-5, 3-11, 6-11, 9-11) 3-3
  • Skúli Gunnarsson – Sindri Þór Sigurðsson 3-1 (11-7, 11-8, 6-11, 11-7) 4-3

 

ÁMU

Aðrar fréttir