B-lið KR sigraði B-lið Víkings 3-0 í leik um sæti í 1. deild á næsta keppnistímabili. Leikið var í Íþróttahúsinu við Strandgötu miðvikudaginn 2. júní.

KR-B varð í 2. sæti í 2. deild en Víkingur-B varð í 5. og næstneðsta sæti í 1. deild á keppnistímabilinu sem er að ljúka.

KR mun því eiga tvö lið í 1. deild karla á næsta keppnistímabili eins og BH, en HK og Víkingur eiga eitt lið hvort félag.

Úrslit úr einstökum leikjum:

Víkingur-B – KR-B 0-3

  • Kristján Jónasson – Ingólfur Sveinn Ingólfsson 0-3 (öllum lotum lauk með tveggja stiga mun)
  • Hlynur Sverrisson – Skúli Gunnarsson 0-3
  • Dominik Rajs/Hlynur – Elvar Pierre Kjartansson/Skúli 0-3

Á forsíðumyndinni má sjá hluta liðs KR-B í vetur, þá Steinar, Skúla, Karl og Norbert.