Magnús Gauti og Nevena sigruðu á Grand Prix móti BH

Magnús Gauti Úlfarsson, BH og Nevena Tasic, Víkingi sigruðu á Grand Prix móti BH, sem fram fór sunnudaginn 10. febrúar í Íþróttahúsinu við Strandgötu.

Magnús Gauti sigraði félaga sinn úr BH, Jóhannes Bjarka Urbancic Tómasson 11-9 í oddalotu (11-4, 8-11, 11-7, 9-11, 6-11, 11-9, 11-9). Í undanúrslitum lagði Magnús Gauti Inga Darvis Rodriquez, Víkingi 4-3 en Jóhannes vann Ingólf Ingólfsson, KR 4-1.

Nevena sigraði örugglega í kvennaflokki og tapaði ekki lotu á mótinu. Hún vann Stellu Karen Kristjánsdóttur úr Víkingi í úrslitum 4-0 (11-3, 11-6, 11-8, 11-6). Nevena vann Alexíu Kristínardóttur Mixa úr BH í undanúrslitum en Stella vann Agnesi Brynjarsdóttur úr Víkingi 4-2.

Gestur Gunnarsson, KR, sigraði í B-keppni karla og Sól Kristínardóttir Mixa, BH, í B-keppni kvenna.

ÁMU

TENGDAR FRÉTTIR