Automatic translation by Google Translate. We cannot guarantee that it is accurate.

Magnús Gauti og Nevena sigruðu á lokamóti Grand Prix mótaraðarinnar

Magnús Gauti Úlfarsson, BH og Nevena Tasic, Víkingi, sigruðu á lokamóti Grand Prix mótaraðarinnar, sem fram fór í TBR-húsinu sunnudaginn 22. apríl. Átta stigahæstu leikmönnum að loknum fimm Grand Prix mótum keppnistímabilsins var boðið á mótið, og tóku flestir þeirra þátt á mótinu.

Magnús Gauti vann Sindra Þór Sigurðsson, Víkingi í úrslitaleik í karlaflokki. Leiknum lauk með 4-1 sigri Magnúsar (6-11, 11-5, 11-8, 11-4, 11-3). Magnús vann Inga Darvis Rodriquez, Víkingi 4-2 í hörkuleik í undanúrslitum, og hefndi þar með fyrir tapið í úrslitaleik aldursflokkamótaraðarinnar fyrr um daginn. Sindri lagði Birgi Ívarsson, BH, 4-1 í hinum undanúrslitaleiknum.

Í kvennaflokki mættust Nevena Tasic, Víkingi, og Aldís Rún Lárusdóttir, KR í úrslitum, en þetta var fyrsta innbyrðis viðureign þeirra. Nevena sigraði 4-2 í hörkuleik (6-11, 11-6, 11-6, 8-11, 11-6, 11-6), og er fengur fyrir íslenskan kvennaborðtennis að fá svona öfluga borðtenniskonu í hópinn. Í undanúrslitum lagði Nevena Stellu Karen Kristjánsdóttur, Víkingi 4-0 en Aldís vann Ársól Clöru Arnardóttur, KR, 4-1.

Auk verðlaunahafa voru keppendur í karlaflokki Gestur Gunnarsson, KR, Jóhannes Bjarki Urbancic Tómasson, BH, Pétur Marteinn Urbancic Tómasson, BH og Tomas Charukevic, BH.

Í kvennaflokki kepptu auk verðlaunahafa Auður Tinna Aðalbjarnardóttir, KR, Guðrún Gestsdóttir, KR, Lára Ívarsdóttir, KR og Þuríður Þöll Bjarnadóttir, KR.

Úrslit úr öllum leikjum má sjá á vef Tournament Software, http://www.tournamentsoftware.com/sport/tournament.aspx?id=B58F223F-C23E-49BB-9C17-9E3C7FCE3DB0

Myndir frá Ingimar Ingimarssyni.

 

 

ÁMU

Aðrar fréttir