Magnús Gauti og Nevena sigruðu í tvenndarleik á Arctic

Magnús Gauti Úlfarsson og Nevena Tasic sigruðu í tvenndarleik á Arctic mótinu, en keppni á mótinu hófst með tvenndarleik að lokinni setningarathöfn 17. maí. Á mótinu leika landslið frá Íslandi, Færeyjum og Grænlandi.

Í úrslitum í tvenndarleik mættu Magnús Gauti og Nevena Fróða og Duritu Jenssen frá Færeyjum. Leikurinn var vel leikinn en lauk með íslenskum sigri 3-1 (6-11, 11-2, 11-4, 11-9). Í undanúrslitum lögðu Magnús Gauti og Nevena Hall Thorsteinsson og Rakul Mikkjalsdóttur frá Færeyjum 3-1. Fróði og Durita unnu Aqqalu Nielsen og Pipaluk Bech Serubalsen frá Grænlandi 3-1 en Aqqalu átti titil að verja frá því í fyrra.

Keppni heldur áfram laugardaginn 18. maí kl. 10 í TBR-húsinu en þá er leikið í liðakeppni. Sunnudaginn 19. maí verður svo keppt í tvíliðaleik fyrir hádegi og einliðaleik eftir hádegi. Streymt er frá mótinu á fésbókarsíðu BTÍ.

Úrslit úr öllum leikjum á mótinu má sjá á vef Tournament Softeware,
http://www.tournamentsoftware.com/sport/tournament.aspx?id=31D0371A-3D74-4F96-AC77-D7AE307B14EC

Á forsíðunni má sjá Magnús Gauta og Nevena í keppninni. Mynd af fésbókarsíðu BTÍ.

TENGDAR FRÉTTIR