Magnús Kristinn og Sigrún Ebba sigruðu í meistaraflokki á stigamóti Víkings
Magnús K. Magnússon úr Víkingi og Sigrún Ebba Tómasdóttir úr KR sigruðu í meistaraflokki á stigamóti Víkings, sem fram fór í TBR-húsinu laugardaginn 12. október.
Magnús sigraði Pétur Martein Tómasson úr KR 3-2 í úrslitaleik í meistaraflokki karla.
Sigrún lagði Kolfinnu Bergþóru Bjarnadóttur úr HK 3-0 í úrslitum í meistaraflokki kvenna.
Sigrún sigraði Kolfinnu líka í úrslitum í 1. flokki kvenna, þá 3-2.
Víkingurinn Magnús Jóhann Hjartarson varð sigurvegari í 1. flokki karla eftir sigur á Pétri Gunnarssyni úr KR í úrslitum.
Nánari úrslit verða sett inn þegar þau hafa borist.
Til hægri má sjá þrjá af fjórum verðlaunahöfum í meistaraflokki karla á mótinu en myndina tók Finnur Hrafn Jónsson á punktamóti KR 29. september.
ÁMU
