Mótanefnd hefur fært 3. og 4. umferð í Keldudeildinni og 2. deild-suður á helgina 5.-6. desember. Staðsetning og nánari tímasetningar verða auglýstar þegar nær dregur.

Birtar verða nýjar dagsetningar á umferðum sem þurfti að fresta í 2. deild-norður þegar þær liggja fyrir.

Þá hefur Íslandsmót unglinga fyrir tímabilið 2020-2021 verið fært aftur um eina helgi. Ástæða flutnings er sú að ekkert félag var tilbúið til að halda mótið á þeim tíma sem það var upphaflega sett á en Víkingur hefur tekið að sér halda mótið helgina 27.-28. mars og færa lokamót GrandPrix til 13. mars í staðin. Flutningur á Íslandsmótinu var samþykktur af stjórn BTÍ á stjórnarfundi.

Það er ósk allra að ekki komi til frekari frestana eða breytinga á mótaskrá en miðað við aðstæður sem eru uppi núna þá er ekki hægt að útiloka slíkt. Þessar tilfærslur verða uppfærðar á mótaskrá sem nálgast má á heimasíðu bordtennis.is en þar er einnig búið að merkja inn æfingabúðir sem búið er að ákveða fyrir landslið.