Ákveðið hefur verið að nota Google Calendar til að skrá mót og aðra viðburði á vegnum BTÍ. Við það verður skráning viðburða og uppfærsla einfaldari en einnig býður það upp á möguleika fyrir iðkendur og aðra áhugasama að tengja mótaskrá við sitt eigið Google dagatal.

Til að byrja með verður eldra útlit af mótaskrá einnig aðgengilegt á bordtennis.is en síðar í vetur má búast við að Google dagatalið taki alfarið við og eldri mótaskrá tekin úr birtingu.

Dagatalinu er ætlað að sýna yfirlit yfir mót og aðra viðburði sem tengjast BTÍ. Nánari upplýsingar um viðburði verður að finna í fréttatilkynningum á bordtennis.is.

Alþjóðleg mót sem merkt eru á dagatalið gefa ekki til kynna að búið sé að ákveða að senda keppendur frá Íslandi. Slíkt verður ákveðið og tilkynnt í tengslum við hvert mót þegar að því kemur.

Ef félög óska eftir að viðburðir eða mót á þeirra vegum verði birt á dagatali BTÍ skal senda upplýsingar um það á netfangið [email protected].