Styrkleikalistinn, sem birtur er á vefnum undir flipanum Styrkleikalisti, inniheldur núna leikmenn, sem hafa leikið árin 2016-2020. Ef leikmaður, sem lék síðast árið 2015 eða fyrr, snýr aftur til keppni fær hann þau styrkleikastig, sem hann hafði síðast þegar hann keppti.

Síðasti styrkleikalisti skv. eldra fyrirkomulagi var frá 1.11.2015 og má sjá hann hægra megin á síðunni, undir fyrirsögninni Nýtt á bordtennis.is í Excel skjalinu Styrkleikalisti 1. nóv.2015. Þeir leikmenn, sem léku eingöngu í nóvember – desember 2015 en hafa ekki leikið síðan, eru í Excel skjalinu Styrkleikalisti 1.11.2015 viðbót. Þar má líka finna uppfærð styrkleikastig leikmanna sem voru á styrkleikalistanum 1.11.2015 og léku í nóvember – desember 2015 en hafa ekki leikið síðan. Snúi leikmaður á óvirka listanum aftur til keppni þarf því að finna styrkleikastig hans í skjalinu Styrkleikalisti 1.11.2015 viðbót til að nota við röðun í töflu.

Á næstunni verða leikmenn, sem léku síðast árið 2016, teknir af virka listanum og fluttir yfir á óvirka listann í Excel skjalinu.

Verið er að skoða betra fyrirkomulag á utanumhaldi yfir stig óvirkra leikmanna á styrkleikalista og eru allar hugmyndir þar að lútandi vel þegnar.

Forsíðumynd frá aldursflokkamóti BH í janúar 2020.