Rúmlega 20 stúlkur í æfingabúðum á Hvolsvelli

Helgina 5.-6. janúar sl. fóru fram árlegar æfingabúðir fyrir stúlkur á Hvolsvelli. Alls tók þátt 21 stúlka frá fjórum félögum. Umsjón búðanna var í höndum þjálfaranna Auðar Tinnu Aðalbjarnardóttur og Tómasar Inga Shelton og þeim til aðstoðar voru Aldís Rún Lárusdóttir, Magnús Gauti Úlfarsson og Gestur Gunnarsson.
Í búðunum voru þrjár æfingar, sundferð, pizzuveisla, spilakvöld og tvíliðaleiksmót. Sigurvegarar tvíliðaleiksmótsins (Kristín og Lóa) og einliðaleiksflokks sem einnig var leikinn á mótinu (Anna og Helga) sjást með gullhatta á myndinni.

 

Það er til athugunar hvort helgin 23.-24. febrúar henti fyrir æfingabúðir drengja á Hvolsvelli.

 

Forsíðumynd af hópnum frá Auði Tinnu Aðalbjarnardóttur.

 

ÁMU byggt á texta frá Auði Tinnu Aðalbjarnardóttur (uppfært 13.1.).

TENGDAR FRÉTTIR