Samherjar-A og Samherjar-B sigruðu í síðustu leikjum norðurriðils 2. deildar

Samherjar-B sigruðu í tveimur síðustu leikjum sínum í norðurriðli 2. deildar, og tryggðu sér þar með 2. sæti í riðlinum og sæti í úrslitakeppninni. Liðið fékk 22 stig, tveimur stigum meira en Akur-B, en liðin mættust í morgun í hreinum úrslitaleik um 2. sætið. Þar sigraði B-lið Samherja 4-1. Liðið lagði einnig Akur-C 4-0.

Þá vann A-lið Samherja sinn fyrsta sigur í deildinni í vetur þegar liðið vann Akur-C 4-1. Þessum leikjum hafði öllum verið frestað frá því í febrúar.

Lokastaðan í norðurriðli er sú að Akur-A sigraði með fullt hús stiga, 28 stig. Í 4.-5. sæti eru Akur-C og Samherjar-C með 12 stig, Akur-D og Æskan hafa 8 stig og Samherjar-A reka lestina með 2 stig.

Í úrslitakeppni 2. deildar, sem fram fer fyrir norðan þann 23. apríl mun Akur-A (sigurvegarar í norðurriðli) leika við Víking-D (sem varð í 2. sæti suðurriðils) og Samherjar-B (sem urðu í 2. sæti norðurriðls) leika við BH-A (sem vann suðurriðil). Liðin sem vinna þá leiki keppa úrslitaleikinn í deildinni, sömuleiðis 23. apríl.
Liðið sem tapar úrslitaleiknum leikur við KR-A (sem varð í 5. sæti 1. deildar) um sæti í 1. deild að ári. Staður og stund fyrir þann leik verða ákveðin þegar ljóst er hvaða lið keppir við KR-A.

 
Úrslit úr einstökum leikjum

Samherjar-B – Akur-C 4-0

  1. Jóhannes Bjarki Sigurðsson – Vakant 1-0
  2. Jón Elvar Hjörleifsson – Róbert Karl Boulter 3-0
  3. Ingvi Stefánsson – Kolbeinn Skagfjörð 3-0
  4. Jón/Jóhannes – Kolbeinn/Róbert 3-0

Samherjar-B – Akur-B 4-1

  1. Jóhannes Bjarki Sigurðsson – Magnús B. Kristinsson 2-3
  2. Jón Elvar Hjörleifsson – Gunnar A. Arason 3-0
  3. Ingvi Stefánsson – Þorsteinn Már Þorvaldsson 3-2
  4. Jón/Jóhannes – Magnús/Þorsteinn 3-2
  5. Jón Elvar Hjörleifsson – Magnús B. Kristinsson 3-1

Samherjar-A – Akur-C 4-0

  1. Sindri Sigurðsson – Vakant 1-0
  2. Úlfur Hugi Sigmundsson – Kolbeinn Skagfjörð 3-1
  3. Heiðmar Sigmarsson – Róbert Karl Boulter  1-3
  4. Heiðmar/Sindri – Kolbeinn/Róbert 3-2
  5. Úlfur Hugi Sigmundsson – Vakant 1-0

Á forsíðumyndinni má sjá B-lið Samherja í febrúar.

 

ÁMU

TENGDAR FRÉTTIR