Smáþjóðleikar 2015 dagur 1
Íslensku karla og kvenna liðin hófu keppni í dag á Smáþjóðaleikunum í borðtennis.
Karlalandsliðið er skipað þeim Magnúsi K. Magnússyni, Davíð Jónssyni og Daða Frey Guðmundssyni.
Kvennalandsliðið er skipað þeim Aldísi Rún Lárusdóttir, Guðrúnu G. Björnsdóttir og Kolfinnu Bergþóru Bjarnardóttur.
Kvennaliðið byrjaði á að spila við sterkt lið Lúxemborgar en liðið er númer 24 á heimslistanum. Leikur tapaðist 3-0 en í leiknum spilaði Xian Lian Ni fyrrverandi Evrópumeistari í einliðaleik kvenna.
Karlaliðið spilaði við Svartfellinga, Daði Freyr Guðmundsson byrjaði að spila við Irfan Cekic, en Irfan vann fyrri mótið í Lúxemborg fyrir tveimur árum. Irfan sigraði Daða 3-0 í þeirri viðureign.
Eftir hádegi spilaði karlaliðið við Kýpur. Magnús K. Magnússon spilaði fyrst við Marios Yiangou. Þrátt fyrir frábæra frammistöðu og spennandi leik tapaði Magnús 3 – 1. Næst kepptu Davíð Jónsson geng yngri bróðir Marios, Yiangos Yiangou. Davíð sigraði leikinn 3 – 1 og jafnaði fyrir Ísland. Eftir mikla baráttu í seinni leikunum hjá Magnúsi gegn Yiangos tapaðist viðureignin og leikur tapaðist því samanlagt 3 – 1.
Stelpuliðið keppti næst við Mónakó. Einn leikmaður þess liðs er nr. 44 í heiminum, hún Xiaoxin Yang og því er um sterkt lið að ræða. Aldís Rún Lárusdóttir byrjaði leikinn vel og vann fyrstu lotuna en Ulrika Quist, sem spilaði í mörg ár fyrir sænska landsliðið, var seig og vann næstu þrjár. Íslandsmeistarinn okkar, Guðrún G. Björnsdóttir, fékk það verkefni að spila við Xiaoxin. Sá leikur tapaðist 0-3. Stelpurnar töpuðu svo tvíliðaleiknum og endaði leikurinn 0 – 3 fyrir Mónakó. Stelpurnar enduðu því í neðsta sæti í sínum riðli.
Seinasti leikur dagsins var leikur hjá karlaliðinu við Mónakó. Fyrsti leikurinn hjá þeim tapaðist en í öðrum leik gerði Daði Martin Tiso erfitt fyrir. Leikurinn var tæpur en endaði þó með 3-0 tapi. Magnús og Daði áttu hörku tvíliðaleik en dugði ekki til og leikurinn tapaðist. Leikurinnn endaði 0-3 fyrir Mónakó.
Í liðakeppni karla í A-riðli sigraði Lúxemborg í efsta sæti og San Marínó hafnaði öðru sæti. Í B-riðli var það Mónakó sem endaði í efsta sæti og Svartfjallaland í öðru sæti.
Í liðakeppni kvenna í A-riðli sigraði Lúxemborg og Mónakó í því öðru.
Til undanúrslita í karlaflokki leik því Lúxemborg og Svartfjallaland og San Marino og Monakó.
Í kvennaflokki sigarði Svartfjallaland B riðilinn og Malta var í öðru sæti.
Undanúrslit hefjast kl. 13 þann 03.júní og úrslitaleikirnir byrja kl. 18.
