Staðan að loknum tveimur mótum í Grand Prix mótaröðinni

Tvö mót hafa farið fram í Grand Prix mótaröð Borðtennissambands Íslands. Eitt mót er eftir áður en að lokamóti kemur en það verður á vegum BH í Hafnarfirði þann 9. febrúar nk. Átta stigahæstu leikmennirnir að loknum þremur mótum fá boð á lokamótið.

Nevena Tasic úr Víkingi er efst í kvennaflokki að loknum tveimur mótum með 16 stig en hún hefur unnið bæði mótin sem hafa farið fram.

Í karlaflokki eru nafnarnir Magnús K. Magnússon, Víkingi og Magnús Gauti Úlfarsson BH efstir og jafnir með 8 stig, en þeir hafa unnið hvor sitt mótið.

Í viðhengi má sjá stöðuna í mótaröðinni að loknum þessum tveimur mótum: Grand prix mótaröðin 2018-19.

Á forsíðumyndinni má sjá Nevenu í leik við Aldísi Rún Lárusdóttur í Raflandsdeild kvenna. Mynd af fésbókarsíðu BTÍ.

 

ÁMU

TENGDAR FRÉTTIR