Automatic translation by Google Translate. We cannot guarantee that it is accurate.

Styrkleikalisti 1. júní birtur

Styrkleikalisti fyrir 1. júní 2020 (kallaður eftir viku 23) hefur verið birtur á vefnum, með fyrirvara um réttar skráningar. Enginn listi var birtur fyrir 1. maí, enda fóru engin mót fram í apríl.

Frá því að síðasti listi var birtur, þ.e. listinn fyrir 1. mars, hefur trimmmót BH 30. maí verið lesið inn í styrkleikalistann.

Næsti styrkleikalisti verður birtur 1. október, skv. reglugerð um styrkleikalista.

Fyrir þessa uppfærslu á listanum voru teknir út af listanum þeir leikmenn sem léku árið 2016 en hafa ekki leikið síðan. Lista yfir styrkleikastig þeirra má fljótlega finna hægra megin á síðu BTÍ, undir Nýtt á bordtennis.is undir heitinu Styrkleikalisti-1.11.2015-viðbót-2016 og einnig í viðhengi. Snúi þessir leikmenn aftur til keppni þarf að nota þetta skjal til að finna styrkleikastig þeirra. Verið er að skoða aðrar leiðir til að halda utan um styrkleikastig óvirkra leikmanna og eru allar hugmyndir vel þegnar.

Við þessa tiltekt fækkaði virkum körlum á listanum úr 504 í 440 og konum úr 180 í 155. Í viðhengi má einnig sjá lista yfir þá leikmenn sem hurfu út af virka styrkleikalistanum.

Til að skoða styrkleikalistann er valinn flipinn Styrkleikalisti efst á þessari síðu, og er þá hægt að skoða listann og fletta upp einstökum leikmönnum og þeim leikjum sem telja á listanum. Talan fjöldi móta, fyrir aftan hvern leikmann, telur ekki með leiki í deildarkeppninni.

Ef eitthvað er vitlaust skráð, vinsamlegast hafið samband við Ástu ([email protected]) eða Hlöðver ([email protected]).

Forsíðumynd af 50 ára afmælismóti KR tekin af fésbókarsíðu BTÍ.

Aðrar fréttir