Styrkleikalisti fyrir 1. desember hefur verið birtur á vef BTÍ

Drög að styrkleikalista fyrir 1. desember (viku 48) hafa verið birt á vef BTÍ, með fyrirvara um réttar skráningar. Listinn verður uppfærður þegar úrslit úr héraðsmóti HSK 15. nóvember hafa verið slegin inn í listann. Einnig er vægi leikja í liðakeppni unglinga á Kjartansmótinu 21. nóvember of hátt, sem tekst vonandi að laga fljótlega. Þá á eftir að sía frá flesta óvirka leikmenn nema stigahæstu óvirku karlana.

Frá því að styrkleikalistinn fyrir 1. nóvember var birtur hafa þessi mót verið lesin inn í listann:

  • Grand Prix mót HK 7. nóvember
  • Aldursflokkamót Samherja 15. nóvember
  • Kjartansmót KR 21. nóvember
  • Leikir í 1. og 2. deild

 

Leikir á tvíliðaleiksmóti KR 22. nóvember voru ekki lesnir inn, þar sem leikir í tvíliðaleik teljast ekki með á styrkleikalista.

Meðal þess sem gerðist markvert við þessa uppfærslu var að Birgir Ívarsson úr BH flaug langt inn í 1. flokk og hafði 1601 stig 1. desember. Hannes Guðrúnarson úr KR vann sig sömuleiðis upp í 1. flokk. Kári Ármannsson úr KR hækkaði um meira en 100 stig frá listanum 1. nóvember.

Til að skoða styrkleikalistann er valinn flipinn Styrkleikalisti efst á þessari síðu, og er þá hægt að skoða listann og fletta upp einstökum leikmönnum. Stig á listanum eru reiknuð á sama hátt og áður en listinn er nú birtur á vef Tournament Software, www.tournamentsoftware.com.

Styrkleikalisti fyrir 1. janúar verður birtur þegar búið er að slá inn úrslit úr styrkleikamóti Víkings 5. desember. Önnur úrslit úr leikjum í desember eru þegar komin inn á vef Tournament Software. Ef eitthvað er vitlaust skráð, vinsamlegast hafið samband við Ástu (astaurb@gmail.com) eða Hlöðver (hsh3006@gmail.com).

 

ÁMU

TENGDAR FRÉTTIR