Automatic translation by Google Translate. We cannot guarantee that it is accurate.

Styrkleikalisti fyrir 1. október 2018 hefur verið birtur

Styrkleikalisti fyrir 1. október 2018 (kallaður eftir viku 40) hefur verið birtur á vefnum, með fyrirvara um réttar skráningar.

Frá því að síðasti listi var birtur hafa fyrstu tvær umferðirnar í deildakeppni BTÍ, sem leiknar voru 29.-30. september, verið lesnar inn í styrkleikalistann.

Við uppfærslu á þessum lista gerðist það m.a. að Tómas Ingi Shelton í BH fór upp í meistaraflokk.

Til að skoða styrkleikalistann er valinn flipinn Styrkleikalisti efst á þessari síðu, og er þá hægt að skoða listann og fletta upp einstökum leikmönnum og þeim leikjum sem telja á listanum. Talan fjöldi móta, fyrir aftan hvern leikmann telur ekki með leiki í deildarkeppninni.

Ef eitthvað er vitlaust skráð, vinsamlegast hafið samband við Ástu ([email protected]) eða Hlöðver ([email protected]).

Í sumar voru svo þeir leikmenn í kvennaflokki, sem ekki hafa leikið síðan árið 2014 hreinsaðir út af styrkleikalistanum og sýnir kvennalistinn því aðeins þær konur sem hafa leikið á mótum síðan í upphafi árs 2015. Byrjað var að hreinsa út af karlalistanum á sama hátt, en sú vinna er skammt á vef komin. Haldið verður áfram með hana á næstu vikum.

Á forsíðumyndinni má sjá Ellert Kristján Georgsson leika á EM unglinga í sumar á mynd frá ljósmyndaranum Henk Homme.

 

ÁMU

Aðrar fréttir