Nú er komin upp sú staða að fresta þarf mótum og finna þeim annan stað á mótaskrá og má allt eins búast við að sú staða komi oftar upp í vetur. Þess vegna hefur mótanefnd sett sér viðmið til að vinna eftir í vetur. Það er von mótanefndar að með þessu sé öllum ljóst eftir hverju er unnið þegar kemur að því að taka ákvarðanir sem snúa að frestunum og/eða aflýsingum móta. Engu að síður getur komið upp staða þar sem þessi viðmið ná ekki yfir aðstæður sem kunna að koma upp, en þá verður reynt að leysa úr þeim þegar þar að kemur enda er um viðmið að ræða en ekki reglugerð.

Erfitt er að ætlast til að þetta keppnistímabil gangi snurðulaust fyrir sig ef mikið verður um frestanir móta, en mótanefnd og BTÍ eru þess fullviss að allir muni gera sitt besta á yfirstandandi tímabili til að starfið verði sem ánægjulegast fyrir iðkendur.

Hvaða mót og verkefni hafa forgang?

1. Deildin, Íslandsmót unglinga, fullorðinna, öldunga oglandsliðsverkefni A-landsliðs

2. Bikarkeppni, flokkakeppni unglinga og landsliðsverkefni unglingalandsliðs

3. GrandPrix, Aldursflokkamót og landsliðsæfingar

4. Mót sem haldin eru að frumkvæði félaga en ekki að frumkvæði BTÍ

Ef til þess kemur að ekki er hægt að halda auglýst mót þá er horft í að:

  • ef fresta þarf deildarhelgi þá færist hún aftur um allt að fimm vikur að hluta til eða í heild. Ef sú frestun stangast á við önnur BTÍ mót (mót sem haldin eru að frumkvæði BTÍ) þá kemur til greina að færa eða fella niður önnur mót sem eru í neðri forgangaflokki sbr. upptalningu hér að ofan til að koma fyrir deildarhelgi. Einnig kæmi til greina að færa deildarumferðir sem þarf að fresta þannig að þær verði leiknar innan þriggja vikna eftir að lokaumferð deildarkeppni fer fram. Ef annar tími finnst og er samþykktur af formönnum allra félaga með minnst 2 vikna fyrirvara þá verður það leyft.
  • ef ekki er hægt að spila GrandPrix-mót þá helgi sem það er sett á, þá er því félagi sem átti að halda mótið boðið að finna aðra helgi en ekki má setja mótið á dag sem stangast á við annað BTÍ mót. Finna skal mótinu stað í mótaskrá innan við viku eftir að það fellur niður. Ekki verður heimilt að fresta aftur. Takist ekki að finna aðra dagsetningu innan viku þá fellur mótið niður og samanlagður stigafjöldi úr öðrum GrandPrix mótum sem hægt er að halda ræður hverjir komast á lokamót GrandPrix.
  • ef ekki er hægt að spila aldursflokkamót þá helgi sem það er sett á, þá er því félagi sem átti að halda mótið boðið að finna aðra helgi en ekki má setja mótið á dag sem stangast á við annað BTÍ mót. Finna skal mótinu stað í mótaskrá innan við viku eftir að það fellur niður. Ekki verður heimilt að fresta aftur. Takist ekki að finna aðra dagsetningu innan viku þá fellur mótið niður og samanlagður stigafjöldi úr öðrum aldursflokkamótum segir til um sigurvegara í lok tímabils.
  • ef fresta þarf Íslandsmóti þá kemur það til kasta stjórnar BTÍ að ákveða hvort mótinu verði frestað eða aflýst.
  • ef ekki er hægt að spila mót sem haldin eru af frumkvæði félaga á þeim tíma sem það er sett þá er þá á ábyrgð viðkomandi félags að ákveða hvort það vilji halda mótið á öðrum tíma eða fella það niður. Ekki má setja mótið á sama dag og annað mót hefur verið sett á skv. mótaskrá. Ef fresta þarf deildarhelgi sbr.lið 1 og það lendir á helgi sem félagamót hefur verið sett þá þarf félagamótið að víkja svo að deildin geti haldið áfram.
  • mót sem talin eru upp hér að ofan hafa vægi í þeirri röð sem þau eru talin upp í. Ef færa þarf mót í 1.-2. flokki þá má mótanefnd fella niður mót í flokki 3-4 til að koma fyrir móti í 1.-2. flokki fyrir.

Með von um að ekki þurfi að reyna mikið á þessi viðmið í vetur.

Mótanefnd