Automatic translation by Google Translate. We cannot guarantee that it is accurate.

Úrslit ráðin í 2. deild karla. Víkingur C meistarar og komnir í 1. deild

Sigurlið Víkinga í 2. deild karla, frá vinstri Stefán, Guðmundur Atli , Hjörtur Magni  og Kamil Roman Mocek. Vel að sigrinum komnir eftir góða baráttu í vetur

Undanúrslit og úrslit fóru fram í gær laugardaginn 3. júní 2017  í TBR húsinu í 2. deild karla.  Í undanúrslitum léku lið KR E og Akurs A .  Í hinum undanúrslitaleiknum áttu að mætast lið Víkings C  og Akurs B en lið Akurs B dró sig úr keppni.

Undanúrslitaleikur Akurs B og KR E var stórskemmtilegur og endaði hann í oddaleik þar sem Hlynur frá Akri landaði sigri fyrir Akur eftir sigur á Bjarna úr KR.  Í leiknum á undan (6 leik) vann Magnús frá Akri Guðmund frá KR í oddaleik.

Leikskýrsluna er að finna hér að neðan, það athugast að úrslit víxluðust neðst við ritun skýrslunnar:

 

Úrslitaleikurinn milli Víkings C og Akurs A var spennandi.  Jafnt var með liðunum eftir tvíliðaleikinn 2-2 en þá sigu Víkingar fram úr með sigri í næstu tveimur leikjum þar sem Hjörtur Magni Víkingi vann sigur á Hlyni frá Akri og Stefán Víkingi vann sigur á Magnúsi frá Akri. Leikskýrsluna eftir leikinn er að finna hér að neðan

Greinilegt er að leikmenn Akurs hafa bætt sig talsvert í vetur og lofar frammistaða þeirra nú góðu fyrir 2. deild karla á næsta ári.  Lið Víkings sem er reynslumikið og tapaði ekki einni viðureign í 2. deild karla í vetur tekst á við nýjar og spennandi áskoranir  á næsta keppnistímabili.   Í 1. deild karla á næsta ári verða því þrjú lið frá Víkingum, eitt frá KR, eitt frá HK og eitt frá BH.

A lið akurs sem varð í 2. sæti, frá vinstri Hlynur, Júlíus og Magnús. Stórhættulegir á næstu leiktíð

E lið KR sem varð í 3. sæti, frá vinstri þjálfarinn Hlöðver og leikmennirnir Hannes, Guðmundur, Finnur og Bjarni. Líta til himins og sjá fyrir sér titilinn á komandi leiktíð

Leikmenn Víkings ráða saman ráðum sínum og bera saman bækur eftir tvíliðaleikinn í úrslitaviðureigninni.

Leikmenn Akurs Hlynur og Júlíus undarbúa sig fyrir næstu viðureignir

Kamil og Magnús í hörkuleik í úrslitum 2. deildar karla

Tvíliðaleiksviðureignin í úrslitaleik 1. deildar karla. Sigurður Herlufsen traustur í dómgæslunni

Hlynur frá Akri einbeittur í úrslitaleiknum

 

II

 

Aðrar fréttir