Úrslit úr Aldursflokkamóti Dímonar á fyrsta vetrardag
Fyrsta mótið í aldursflokkamótaröð BTÍ var haldið í Íþróttamiðstöðinni á Hvolsvelli á fyrsta vetrardag, 24. október. Þátttakendur voru 65 frá BH, Dímon, HK, KR, Ungmf. Heklu, Ungmf. Samherjum og Víkingi.
Úrslit úr einstökum flokkum
Tátur fæddar 2005 og síðar
1. Karitas Ármannsdóttir, KR
2 . Lilja Liv Margrétardóttir, KR
3.-4. Sól Kristínardóttir Mixa, BH
3.-4. Alexía Kristínardóttir Mixa, BH
Karitas sigraði Lilju í hörkuúrslitaleik 3-2 (5-11, 11-6, 11-5, 4-11, 15-13).
Verðlaunahafar í telpnaflokki (Mynd: Sigurjón Sváfnisson)
Telpur fæddar 2003-2004
1. Þuríður Þöll Bjarnadóttir, KR
2. Sóley Alexandra Jónsdóttir, Dímon
Þuríður lagði Sóleyju 3-1 (11-3, 8-11, 11-4, 11-8) í úrslitaleiknum.
Verðlaunahafar í meyjaflokki (Mynd: Sigurjón Sváfnisson)
Meyjar fæddar 2001-2002
1. Stella Karen Kristjánsdóttir, Víkingur
2. Þórunn Ásta Árnadóttir, Víkingur
3. Guðbjörg Liv Margrétardóttir, KR
4. Ástríður Björk Sveinsdóttir, Dímon
Víkingsstúlkurnar Stella Karen og Þórunn Ásta mættust í úrslitunum, og sigraði Stella 3-1 (11-6, 9-11, 11-4, 11-6).
Hnokkar fæddir 2005 og síðar
1. Kristófer Júlían Björnsson, BH
2. Trausti Freyr Sigurðsson, Ungmf. Samherjar
3.-4. Bjarni Þorvaldsson, Dímon
3.-4. Jónatan Björnsson Gross, BH
Kristófer lagði Trausta 3-0 (11-7, 11-6, 11-8) í úrslitaleiknum. Þeir voru í sama riðli og þar vann Kristófer sömuleiðis í hörkuleik.
Verðlaunahafar í piltaflokki (Mynd: Sigurjón Sváfnisson)
Piltar fæddir 2003-2004
1. Þorgils Gunnarsson, Ungmf. Hekla
2. Ari Benediktsson, KR
3.-4. Aron Birkir Guðmundsson, Ungmf. Hekla
3.-4. Steinar Andrason, KR
Í úrslitaleiknum mættust Íslandsmeistarnir í hnokkaflokki síðustu tvö árin. Þorgils hafði betur og sigraði 3-0 (11-6, 11-6, 11-8).
Verðlaunahafar í sveinaflokki (Mynd: Sigurjón Sváfnisson)
Sveinar fæddir 2001-2002
1. Kári Ármannsson, KR
2. Ellert Kristján Georgsson, KR
3.-4. Ingi Brjánsson, KR
3.-4. Karl A. Claesson, KR
Kári sigraði örugglega í flokknum og tapaði ekki lotu. Hann lagði Ellert 11-6, 11-2, 11-8 í úrslitaleiknum.
Verðlaunahafar í drengjaflokki f. 1998- 2000
Drengir fæddir 1998-2000
1. Magnús Gauti Úlfarsson, BH
2. Kamil Mocek, Víkingur
3. Gunnar Þorgeir Guðnason, Dímon
Magnús Gauti var öruggur sigurvegari og lagði Kamil 3-0 (11-5, 11-7, 11-5) í úrslitum.
Keppni féll niður í flokki stúlkna fæddra 1998-2000 þar sem enginn keppandi var skráður til leiks.
Úrslit úr öllum leikjum á mótinu eru birt á vef Tournament Software,
http://www.tournamentsoftware.com/sport/tournament.aspx?id=843FD9F5-A65E-4DF7-91DB-DB94445B2447
Meðfylgjandi myndir eru frá Ingimar Ingimarssyni, nema ef annað er tekið fram. Á forsíðunni eru verðlaunahafar í flokki hnokka fæddra 2005 og síðar.
ÁMU (uppfært 1.11.)
