Úrslit úr liðakeppninni á Norður-Evrópumóti unglinga

Í dag var leikið um hvert sæti í liðakeppni, auk þess sem keppni hófst í einliðaleik (sjá aðra frétt).

Ísland I í junior liðakeppni drengja lék um sæti 5-8 og lék fyrst við Lettland. Sá leikur tapaðist 2-3. Þá var leikið öðru sinni við Eistland um 7. sæti og tapaðist sá leikur einnig 2-3. Ísland I hafnaði því í 8. sæti á mótinu. Kári Ármannsson meiddist í fyrsta leik liðsins í gær og hefur ekki getað beitt sér af fullum krafti og munar um það. Magnús Gauti Úlfarsson hefur leikið mjög vel og vann alla sína leiki. Ísland II lék ekki í dag og varð í 9. sæti.

Í juniorflokki stúlkna léku íslensku stúlkurnar um 5.-8. sæti. Þær töpuðu 0-3 fyrir Eistlandi II og einnig fyrir Lettlandi, og höfnuðu í 8. sæti.

Í kadettflokki sveina lék íslenska liðið við Litháen í keppni um 5.-7. sæti og tapaði 0-3. Liðið lauk keppni í 7. sæti.

Í kadettflokki meyja léku íslensku stúlkurnar við Finnland í keppni um 5.-7. sæti og tapaði 0-3. Liðið lauk keppni í 7. sæti.

 

ÁMU

 

TENGDAR FRÉTTIR