Úrslitakeppni 1. deildar kvenna flýtt til 19. apríl

KR-A og Víkingur-A mætast í úrslitakeppni 1. deildar kvenna í borðtennis og verður fyrsti leikurinn þriðjudaginn 19. apríl kl. 16.30 í TBR-húsinu. Það er breyting frá því sem upphaflega áætlað en dagsetning á heimaleik Víkinga var breytt frá 27. apríl að þeirra ósk.

Annar leikurinn verður mánudaginn 25. apríl kl. 19.30 í Íþróttahúsi Hagaskóla. Oddaleikur, ef með þarf, verður föstudaginn 29. apríl í Íþróttahúsi Hagaskóla en það lið vinnur sem fyrr hefur unnið tvo leiki.

Á meðfylgjandi mynd má sjá deildarmeistara KR-A (Sigrúnu Ebbu Tómasdóttur vantar á myndina) og lið Víkings-A, sem varð í 2. sæti í deildinni.

ÁMU