Úrslitakeppni 2. deildar

Úrslitakeppni 2. deildar fer fram í íþróttahúsi Glerárskóla
á Akureyri laugardaginn 15. maí. Undanúrslit hefjast klukkan 14:00 en úrslit
kl. 16:00.

Fjögur lið spila í úrslitakeppninni, tvö lið úr suðurriðli og
tvö lið úr norðurriðli. Úr norðurriðli fara liðin Akur-A og Samherjar-A inn í
úrslitakeppnina en úr suðurriðli eru það BH-B og KR-B.

Í undanúrslitum mætast annars vegar Akur-A og KR-B og hins
vegar BH-B og Samherjar-A. Það lið sem sigrar í úrslitakeppninni mun færast upp
í 1. deild fyrir næsta keppnistímabil en það lið sem lendir í öðru sæti mun
leika við Víking-B um það hvort liðið mun spila í 1. deild á næsta tímabili
skv. reglugerð um flokkakeppni BTÍ. Sá leikur verður auglýstur síðar.